影片
更多
2023-09-17
1149 浏览
【灣仔區】【金記冰室】同大家提過我有時要喺會展嗰邊幫手做嘢，冇時間食飯，好多時都係求其買便利店啲麵包、蛋糕就算。不過有時都仲有半個鐘至一個鐘食飯，去之前講過嘅 Triple O's 就多數都滿座，行遠少少去海港中心地下呢間茶記就好啲。今次同一個朋友去，佢話佢畀錢所以我就由佢揀，先揀到呢間。茶記好吖，選擇多，乜都有得食，價錢上又豐儉由人。不過我嗰日由於唔太夠瞓，加上係人哋畀錢，所以我都唔打算叫到太多嘢咁，都係一人一個午餐咁就算。我叫咗個 $76 嘅「白汁粟米焗牛舌意粉」，雖然我當刻冇咩胃口，但係都居然覺得佢幾好食。白汁芝士味濃，牛脷亦都又腍又香，唔錯。用 QR Code 落單令我夠膽叫「熱奶水」做飲品，不過飲落偏淡，可能水吧都好少整呢款。朋友食 $68 嘅「蔥油雞扒腸仔飯」加底，勁呀，果然係後生仔，極速啪晒個飯。飲品方面佢加 $3 飲「凍檸茶少甜」，不過件事太急，其實都唔知佢係咪好肚餓先食咁快，我估應該質素都唔差嘅。埋單 $147，只能講多謝晒。。。（地址：灣仔港灣道25號海港中心地下G4-G5號舖）
今次同一個朋友去，佢話佢畀錢所以我就由佢揀，先揀到呢間。茶記好吖，選擇多，乜都有得食，價錢上又豐儉由人。不過我嗰日由於唔太夠瞓，加上係人哋畀錢，所以我都唔打算叫到太多嘢咁，都係一人一個午餐咁就算。
我叫咗個 $76 嘅「白汁粟米焗牛舌意粉」，雖然我當刻冇咩胃口，但係都居然覺得佢幾好食。白汁芝士味濃，牛脷亦都又腍又香，唔錯。用 QR Code 落單令我夠膽叫「熱奶水」做飲品，不過飲落偏淡，可能水吧都好少整呢款。
朋友食 $68 嘅「蔥油雞扒腸仔飯」加底，勁呀，果然係後生仔，極速啪晒個飯。飲品方面佢加 $3 飲「凍檸茶少甜」，不過件事太急，其實都唔知佢係咪好肚餓先食咁快，我估應該質素都唔差嘅。埋單 $147，只能講多謝晒。。。
（地址：灣仔港灣道25號海港中心地下G4-G5號舖）
张贴
