潮州鹵漢大飯店 (已結業)

🫕有無人同我一樣覺得打邊爐已經有啲悶？🤔食嚟食去其實都係港式，日式或者中式之間遊走，食材幾靚都好，硬係無咩新鮮感😉好少比到驚喜我。但今次推介呢間係潮州菜自助餐再 + 鹵水汁湯底打邊爐，真係食到我嘩一聲😱有諗頭👍🏻🫕我會話潮州嘢自助餐係主角，邊爐係配角。其實佢邊爐水準都好唔錯，但有得任食潮州嘢實在太獨有，同埋味道好高質❤️今晚自助餐有呢啲嘢食（未必講齊）：鴨掌鴨肉啲Friend，雞，鹵雞翼，鹵豬脷，鹵豬手，鹵大腸，鹽水蝦，避風塘三文魚腩，韭菜豬紅，花甲，牛肉燴飯，咖哩牛筋，胡椒豬肚湯，同埋一啲炸薯波薯餅。我本身不嬲都熱愛食豬脷豬大腸，所以呢兩樣食唔停😍另外佢啲鹽水蝦同雞翼都水準之作，最後鴨掌鴨肉雖然唔係靚部位，但鹵得入味，一樣高水準❤️❤️🫕餐廳係有款套餐揀嘅，邊款都有得任食潮州嘢架啦，係唔同在於火鍋嘅肉品選擇，同埋有無得食刺身同生醃😉刺身水準唔錯，絕對唔係平時劣食放題果啲貨仔，三文魚好夠肥美，但更想介紹生醃🥰生醃海鮮係香港少機會食到嘅潮州招牌菜，好多人話食過都會愛到無法自拔，猶如中毒😍其實佢係未熟晒嘅海鮮，用酒等方式醃製同殺菌，所以好多人未必敢食🤣～我第一次食係真心愛上，尤其生醃蝦，我人生未