影片
更多
2015-07-19
8414 浏览
對於自助餐這回事，Viviy從來都是又愛又恨，一方面愛她的多變與無窮的選擇性，另一方面又糾結於美食帶來的卡路里。偏偏另一半又太愛自助餐，只好奉行用者自付原則，食完瘋狂做運動！今次呢一個以海鮮為主的buffet更是正中最愛海鮮的我下懷，尤其大推原隻燒大蝦配泰式汁，解甜惹味，真係食到唔停口！Text & Photo: Viviy今次於周末入住位於屯門的黃金海岸酒店，於泳池內疏乎度過大半日後來到酒店的 Café Lagoon 品嘗自助餐，呢期主打海鮮狂想曲，室內放置冷盤、甜品及廚房熱食，面室外則設有不同大型燒烤counter，各款海鮮即燒即食，好有當年去菲律賓時食BBQ的感覺。自助餐6點半準時開始，之前去完游泳的我們沖埋涼7點才施施然去到，幸好仍有室內的2人檯，不然夏日炎炎坐outdoor是有點熱呢。一開波當然要由冷盤海鮮開始，凍蝦、青口等味道不俗，但要留肚食熱食，這些都是少試，反而當晚長腳蟹味道則平平；上方的芝士桌則有驚喜，有成7款芝士，仲有Viviy最愛的軟芝士，而男友則大讚蒜蓉芝士夠香口。室內熱食部就以這個corner最有驚喜，炸薯絲蝦、避風塘炒蟹同埋蜆介鯪魚球都相當吸引，炒蟹偏辣，可
對於自助餐這回事，Viviy從來都是又愛又恨，一方面愛她的多變與無窮的選擇性，另一方面又糾結於美食帶來的卡路里。偏偏另一半又太愛自助餐，只好奉行用者自付原則，食完瘋狂做運動！今次呢一個以海鮮為主的buffet更是正中最愛海鮮的我下懷，尤其大推原隻燒大蝦配泰式汁，解甜惹味，真係食到唔停口！Text & Photo: Viviy
今次於周末入住位於屯門的黃金海岸酒店，於泳池內疏乎度過大半日後來到酒店的 Café Lagoon 品嘗自助餐，呢期主打海鮮狂想曲，室內放置冷盤、甜品及廚房熱食，面室外則設有不同大型燒烤counter，各款海鮮即燒即食，好有當年去菲律賓時食BBQ的感覺。
自助餐6點半準時開始，之前去完游泳的我們沖埋涼7點才施施然去到，幸好仍有室內的2人檯，不然夏日炎炎坐outdoor是有點熱呢。一開波當然要由冷盤海鮮開始，凍蝦、青口等味道不俗，但要留肚食熱食，這些都是少試，反而當晚長腳蟹味道則平平；上方的芝士桌則有驚喜，有成7款芝士，仲有Viviy最愛的軟芝士，而男友則大讚蒜蓉芝士夠香口。
室內熱食部就以這個corner最有驚喜，炸薯絲蝦、避風塘炒蟹同埋蜆介鯪魚球都相當吸引，炒蟹偏辣，可惜不夠入味。
來到室外，各式其式的BBQ攤位真係有點令人無從入手。皆因選擇太多，令人心花怒放。原隻燒雞翼、燒羊架同埋秋刀魚係必然之選。
但Viviy其實更愛燒菠蘿！平時去食日式放提必然會點燒菠蘿，但每次都係細細件好唔過癮。今次呢度大大件菠蘿以竹簽串起來燒，入口微溫又啖啖菠蘿汁好juicy。圖中更有西班牙海鮮炒飯同埋一人一串限定的西京燒帆立貝串。
入座時每人會獲分派紅色與黑色膠棒，以換取帆立貝串以及Singha生啤或熱情果沙冰特飲乙杯。
另外每位食客都可以獲贈波士頓龍蝦，但個人覺得燒虎蝦更為吸引呀！龍蝦後方的就是熱情果沙冰，酸甜又醒胃，個人覺得好過飲啤酒頂住個肚呀！
必試美食：原隻燒豬，由師傅即場燒製然後有專人切片，香脆可口，點白糖還是點芥末就悉隨尊便～實在太邪惡！另，羊架配薄荷醬是常識吧。
室外有駐場歌手表演，都話好有東南亞風情吧！
場外另有設即煎斑蘭Pancake配水果及椰子雪糕，Pancake入口帶有淡淡的斑蘭葉香，與椰子雪糕真係好夾，如果罐頭生果可以換上鮮果就更正。
呢個任食Mövenpick雪糕櫃剛好就在我張檯旁邊，真係十萬個邪惡！食到最後，雲呢拿咪率先見底，大家去食時識揀啦！
甜品部選擇亦相當多，不過今次無乜點試，因為咸食及熱葷是完勝呀！
值得一提生果refill得快，同埋有一盆士多啤梨及紅莓，生果控如我真係食得好開心同好爽！聆渢咖啡廳
地址：屯門青山公路1號香港黃金海岸酒店低層地下
電話：2452 8448
價錢： 星期一至五: 成人$528 / 小童$298
星期六、日、公眾假期及其前夕: 成人$578 / 小童$338
（如果係夏日住宿計劃之住客，就可以優惠價平日 $440、周末 $520去歎呢個buffet）
张贴
