花圖 (已結業)

尖沙咀海港城新開左間好精緻，好前衛既中菜館。一推開就出摩登既吧枱吸引目光，岩晒幾位朋友一齊摸下酒杯，傾下計。後面既坐位就比較復古。桂花荔枝汁漬荷蘭串茄，黑松露帶子餃，陳皮香草醬焗伊比利亞豚肉豚肉入口鬆軟，雖然油脂豐富，但無肥膩感，反而仲有爽口感。帶子餃滿滿帶子，十分鮮味，再加黑松露，令人愛上。串茄清新，有荔枝汁香甜，清清口腔，迎接來緊既美食。爵士湯以為平平無奇既湯，點知用料十足，意蝦湯加花膠，湯底濃郁，又滋陰。鮮胡椒蟹黃焗海蝦海蝦啖啖肉，肉質爽口鮮甜彈牙，口感一絕。加上新鮮胡椒同蟹黃，令風味更提升。珍菌紫玉以椰菜作外皮，包囊唔同既菌類同蔬菜，清清地更健康。蝦膏海膽炒飯炒飯表面上用海膽作裝飾，炒飯粒粒分明，乾身而又不油膩，味道真不錯。芝麻糊椰汁忌廉配桔仔酥香滑芝麻糊加椰汁忌廉，想像唔到既夾，仲甜而不膩。桔仔酥外脆內軟，口感煙軔，而且亦不太甜。