SUKIYA すき家 (金龍中心)

营业中

休息中

【油尖旺區】【SUKIYA すき家】呢間 Sukiya 我記得我喺佢哋亞皆老街總店開張第一日就同皮蛋哥去咗排隊，嗰陣我都仲未做 foodie，如果唔係一定做直播。而家開到周圍都有，人潮已經冇咁誇張喇。不過尖東呢間都幾受歡迎，有時都要排吓隊，今次都係啱啱有人走，我先有得入去食嘢。叫咗 LL 份量 $65 嘅「熱溶三式芝士牛丼」，配上 Tabasco 辣汁，不過最後我冇落到，因為其實就咁食已經好惹味，芝士味都夠濃。碗嘢肉量都足，醬汁都唔錯，難怪呢度咁受歡迎啦。我仲加 $20 要咗「炸雞套餐」，有「炸雞」三件同埋一款飲品可以揀。咁我就揀咗「特製宇治抹茶」，還好嘅，明知佢係沖定一大壺但味道可以就好，而啲炸雞都幾嫩滑。我仲加 $10 要咗「青菜」，加 $5 要「溫泉蛋」，豐富啲。另外再加 $40 要「單份燒肉」，幾好食，送飯一流。埋單 $140，大家應該唔使好似我咁食到咁誇張。。。（地址：尖沙咀金馬倫道38-40號金龍中心地舖）#1amfoodie #foodie #hkfoodie #thatfoodiething #hkfood #food #instafood #yummy #foodlo