王家沙．花樣年華 (K11 Musea) (已結業)

【油尖旺區】【王家沙．花樣年華】好多年前就成日食王家沙，之後選擇多咗就少咗食佢。今次覺得同我食飯嘅嗰位朋友會中意食，就訂咗呢間同佢食喇。不過佢個位置都幾 tricky，要喺 K11 Musea 二樓某個位置搵個扶手電梯殺落去 MUSE Edition 嗰邊，好彩我預多咗少少時間去，就好啲。先食主食 $168 嘅「石鍋鮑魚飯」，個飯係鐵板上，夠晒熱，味道上都幾濃幾好味，仲有隻鮑魚，成件事係唔差嘅。跟住食 $78 嘅「招牌蟹粉小籠包」，用蒸籠上五件小籠包，中間放咗碟浙醋畀人點。食落唔差嘅，蟹粉味都出，湯汁又夠，我哋都好快清晒。為咗懶係健康啲就叫咗碟 $108 嘅「火腿蒜蓉粉絲蒸娃娃菜」，娃娃菜幾甜幾好味，粉絲墊底更加係非常邪惡。連埋價錢 $12 一位嘅茶水，總共價錢 $416，只要對方開心，呢啲又算係咩錢呢。不過有啲嘢勉強冇幸福，夾硬留住嘅，咪盞大家都唔開心。。。（地址：尖沙咀梳士巴利道18號維港文化匯K11 Musea MUSE Edition 1樓136號舖）#1amfoodie #foodie #hkfoodie #thatfoodiething #hkfood #food #ins