牛品台式火鍋

营业中

休息中

【油尖旺區】【牛品吃到飽台式火鍋】尖沙咀樂道嗰邊有間牛肉火鍋，幾年前轉咗手之後就冇再去過。見到好多 foodie 都有介紹過佢哋，咁我梗係唔執輸，都搵日中午同個朋友去試吓呢間「牛品吃到飽台式火鍋」啦。佢哋係要行一條樓梯上去，喺一樓食嘅，裝修都係走淺色路線，望落舒服嘅。我哋叫嘅係「$98 午市定量肉吃到飽套餐」，我哋去嗰日係假日，所以係 $118。一個湯底，揀咗「花菇昆布鍋」，味道都幾好。每人可以揀兩個肉類，我哋揀咗「美國牛胸腹」、「加拿大頂級牛板腱」、「西班牙栗飼豬五花」同「西班牙栗飼豬梅肉」。我哋覺得啲肉類都唔錯，不過自助區嘅選擇都又多又好味。飲品櫃有自家製飲品之餘，仲有其他餐廳比較少見嘅薄荷綠茶可以飲，幾正。甜品櫃有綠茶糯米糍同阿華田糯米糍，食得好開心呀。驚喜係個廁所，朋友話一定要寫佢勁靚。埋單 $260，嘩，好好囉。。。（地址：九龍尖沙咀樂道32-34號1樓）@beefbang_hk#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious