咕嚕咕嚕

营业中

休息中

【油尖旺區】【咕嚕咕嚕】之前都介紹過尖沙咀諾士佛臺嘅一間樓上酒吧，嗰陣時見到有另一間都好吸引，今次就想試埋呢間。上次係同皮蛋哥飲，今次就同真正哥飲，兩位都係非常熟悉酒吧文化，教到我好多嘢。去到見到原來佢裡面裝修都好靚，充滿日系風情，度度都係打咭位。飲嘢期間都食少少嘢，我哋首先試「串燒組合」，有羊肋串、南部雞雞髀肉、墨魚香腸、日本厚油揚、日本青椒仔，五串都各有特色，唔錯。跟住試 $88 嘅六件「風沙鹹蛋黃炸雞」，啲雞勁嫩滑，鹹蛋黃味又香，仲大大碟，酒吧小食嚟講算幾有驚喜嘅。跟住講戲肉喇，就係啲嘢飲。真正哥試 $78 嘅「Dry Martini」，擺到明向電影《國產凌凌漆》致敬啦，佢話酒幾濃幾香，係出色嘅。我就試 $45 嘅「Lonely Walker」，係新鮮雜莓加柑橘，配上薑啤嘅 mocktail，我覺得都幾正，果味好香濃，估唔到又幾特別喎。。。（地址：尖沙咀諾士佛臺10號騰龍閣4樓）@gulugulu_bar#1amfoodie #foodie #hkfoodie #thatfoodiething #hkfood #food #instafood #yummy #foodlover