HABO室內釣蝦場

营业中

休息中

【沙田区】【HABO室内钓虾场】我同同事振华哥都系住沙田，最近听讲有间喺石门嘅室内钓虾场好受欢迎，所以就一齐去试吓玩。以前我从来都冇去过呢啲场所玩，极其量都系喺烧烤场玩𠮶啲钓龙虾、捞金鱼嘅游戏，船 P 𠮶啲我就一次都冇去过。所以知道沙田附近开咗之后，就去试下喇。入到去就见到两个大缸，都几多人喺度玩紧，大部分都系啲一家大细，都系一个唔错嘅亲子活动。店员一开始会派发「虾皮」做饵，有技巧地串入钓钩里面之后，就可以开始钓虾。店员唔知系咪同啲虾夹埋，佢哋一钓就钓到，我就「捉到鹿都唔识脱角」，啊。之后喺有外援嘅协助下，都成功咗，大约有斤半左右嘅虾可以即场整嚟食，预设嘅系「盐烧鲜虾」，亦都可以加 $30 转「营地酱油」、「开边椒盐」或者「虾堡麻辣」 。我哋各试咗啲，个调味吊得个鲜味几出，好味，而 $50 嘅「秘制酱油烧鸡翼」都几正。我哋玩咗一个钟，每位 $140，钓到几多就几多。听讲熟客因为好熟手，甚至有自己嘅钓具，系可以钓到几斤嘅。对于新手嚟讲，店内嘅店员支援亦都非常足够，不单止教我哋点样钓虾，而且又要整虾畀我哋食，服务唔错。另外，饮品 $10 件，按需要先买。。。（地址：沙田石门安群街1号京瑞广