翠園 (新城市廣場一期)

营业中

休息中

【沙田區】【翠園】又係同兩位上司食飯嘅時間，喺沙田飲茶，唔錯。新城市廣場一期嘅高層就係被美心集團啲酒樓霸咗咁嘅，今次嚟嘅係翠園。反正都係 share 食，我用價錢嚟劃分食物。一開始講嘅係後尾先叫而賣 $39 嘅中點「鮮蝦炸雲吞」，味道同賣相都頗為一般，失望。跟住 $44 嘅大點有「叉燒酥」、「咖喱炆土魷」、「蠔皇鮮竹卷」、「甫魚滑燒賣」，都唔算好特別，只係好正常水準嘅點心。而 $50 嘅特點「北菇棉花雞」就夠晒熱，蒸得都 okay 不過幾貴吓。反而 $72 有份細嘅例牌「燒鵝」又唔差，起碼唔算好細份先。其他仲有 $45 嘅「叉燒腸粉」同 $68 嘅「花菇紅燒豆腐」，都可以啦。然後張單仲有 $54 係三位嘅「茶/開水」，飲個普洱連加一都成廿蚊位。埋單價 total 就 $554.4，都係情理之中，我反而覺得呢度最大嘅特色係有推車仔點心、煎糕等童年回憶環節。。。（地址：沙田沙田正街18-19號新城市廣場一期8樓801A號舖）#1amfoodie #foodie #hkfoodie #thatfoodiething #hkfood #food #instafood #yummy #foodl