搞餃鎮

【沙田區】【搞餃鎮】有次喺好趕時間之下要喺石門食嘢，點解咁委屈自己主要係因為知道自己之後嘅行程已經再無時間食嘢，點都要食啲嘢維持生命、補充體力。喺馬鐵站斜對面嘅京瑞廣場見到呢間嘢冇乜人，唔諗咁多喇，就入咗去。入到去發現呢間真係小店嚟，牆身有放公仔。

而嘢食方面，我食嗰陣係下午茶時間嚟，所以就順理成章叫咗個下午茶餐。當中揀咗佢哋嘅雲吞系列套餐裏面嘅「蟹籽鮮蝦雲吞麵」，雲呑五隻，配豬骨湯底。自選麵底我唔要麵喇，配咗生菜底。味道都正常，好家庭式感覺嘅餃子，湯入面仲有粟米同蘿蔔。

套餐有個自選一人小食，我就揀咗「泰式雞腳」，有泰式嘢都幾得意，味道上都冇乜特別，去咗骨嘅。不過講到最得意，都係要數個「自選飲品」，居然有得飲「朱古力奶」，仲要係維他嗰隻，有趣。埋單 $46，就算下午茶嚟講都唔貴，價錢係合乎常理嘅。。。

（地址：沙田石門安群街1號京瑞廣場2期地下G19A號舖）

#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田區 #沙田 #石門 #搞餃鎮 #下午茶餐 #蟹籽鮮蝦雲吞麵 #生菜 #泰式雞腳 #朱古力奶 #1am1838 #1ambackup

10

71

1

6

3