北京樓 (新城市廣場一期)

营业中

休息中

【沙田區】【北京樓】為咗高力豆沙同埋杏仁茶，去返我喺 1am0810 嗰時已經講過嘅沙田北京樓。之前食過佢呢啲小菜麻麻哋，今次就食啲細份啲嘅，例如 $68 嘅「上海雞湯雲吞」呢類，只能夠講係不過不失。跟住食 $56 四隻嘅「無錫灌湯小籠包」，呢個水準就係可以嘅。之後食 $58 四隻嘅「南翔鮮肉生煎包」同 $56 四隻嘅「川揚鮮肉鍋貼」，我覺得更加普通，冇小籠包咁好食。到點心喇，叫咗三款 $53 嘅「特點」，係「晶瑩蝦餃皇」、「沙律明蝦角」同「韭黃鮮蝦腸」，還好，我中意 $47 嘅「龍蝦湯鮮竹卷」多啲。之後叫咗個 $72 嘅小食「紹興三里橋醉雞」，都唔少嘅份量，味道就一般。戲肉嚟喇，三位嘅「蛋白杏仁茶」，但係價錢就亂咁篤，侍應漏單後又話師傅已經唔做，味道幾好都冇用。食埋 $65 五粒嘅「高力豆沙香蕉」 ，埋單三位 $832.7，冇咩事唔再嚟。。。（地址：沙田沙田正街18號新城市廣場一期8樓801C號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #deli