LHK Doux Cadeau (已結業)

每款甜品之中均加有燕窩，在平凡之中加點貴氣，可以食住靚，靚住食😍❗️🌖法式燕窩梳乎厘卷 $48 每件梳乎厘卷內都有3g燕窩，夠晒矜貴～總共有六種口味，分別係北海道3.6牛乳、日本培茶、日本茶道級抺茶、黑糖珍珠奶茶🧋、金獎黑芝麻、法國特濃朱古力。我叫左咩味？細路仔先做選擇，我就一次過買曬六隻味😆😆😆。梳乎厘蛋糕質感輕柔，氣孔幼細，入口濕潤；忌廉口感順滑唔滯，反而內藏於忌廉之中嘅燕窩影響左幼滑口感，略顯突兀。諗住黑芝麻卷拎曬獎咁巴閉實無死，但食落覺得太甜，反而培茶更得我心，唔會太澀又唔會太甜，所以話口味嘅野真係好個人🙂。🍮燕窩布甸 $48適逢優惠活動，所有甜品買六送二，揀多咗兩件燕窩布甸，分別係北海道3.6牛乳同日本茶道級抹茶。每件布甸都有3g 燕窩係面，無混入布甸之中，可以一啖過食曬3g 燕窩🤩。兩款味道較偏愛牛乳味，皆因抺茶味🍵偏甘苦，而且抺茶上層有一層薄薄嘅牛乳布甸，兩者嘅質感始終有偏差，係震騰騰動L動L呢一方面失左少少少少分（好腌尖呀🤣）。