樂糖 (已結業)

做學生嘅年代，返學每日最開心就係打鐘「落堂」果一刻！最近聽到「樂糖」呢個名，心入面有莫名奇秒的興奮感覺。即刻約埋舊時一齊讀書嘅同學仔黎呢到感受下「落堂」嘅氣氛！小學畢業多年，仲可以講聲就約到幾個同學仔陪我癲，都真係好幸運。四個人，點四款甜品，開開心心一齊分享！燒菠蘿厚多士厚多士好大份，配上同樣好大塊嘅燒菠蘿！燒菠蘿好甜好甜，好奇一問老闆娘，原來呢塊咁甜嘅菠蘿係來自菲律賓嘅新鮮金菠蘿！呢個品種嘅菠蘿天生已經係甜到漏，絕對唔係浸過糖水。多士烤示好脆卜卜，仲查滿左蜜糖，配埋雲尼拿雪糕，好好味呀！玫瑰荔枝霧之花卷卷蛋大大件，蛋糕部份混合左玫瑰花瓣製成，除左聞落係好香玫瑰味之外，咬落一樣感受到玫瑰獨特嘅氣味。蛋糕內嘅忌廉同樣加左玫瑰嘅成份，顏色呈白粉紅。咬落好軟滑，而且仲食到唔少荔枝粒，咬落仲有荔枝汁液流出，好正！朱古力香蕉脆多士呢款係同「燒菠蘿厚多士」同系列嘅，材料換成香蕉＋朱古力雪糕作配搭！而最令我驚喜兼意想不到嘅，係多士入面竟然有燒棉花糖！！！棉花糖流心得黎帶煙un嘅感覺，喜歡食棉花糖嘅人一定好開心！香蕉＋朱古力雪糕＋棉花糖＋多士＝絕配！香橙焦糖Pancake呢款又係令人非常驚喜嘅甜品！睇