影片
更多
2021-10-28
35 浏览
我好中意食湯麵，由其是熱辣辣咕嚕咕嚕同啲湯一齊食！呢間餐廳主打真材實料高質靚湯底，同本地烘焙高海拔咖啡，咁正一於試下😍 店鋪加入好多霓虹燈裝飾，水泥磚牆風格幾型格別緻👍🏻 就到Halloween仲加佐好多裝飾好有心思！我地2個人1人1個套餐，份量好夠食完係非常飽😂精選套餐：🍜 食碗麵飲啖湯 (menu任選一款)✦ 好鬼補雞湯麵 $88 ⭐️(濃雞湯底、花膠、魚肚、新鮮雞柳、北菇、雲腿絲)✦ 鐵三角蠔蝦蟹海鮮湯麵 $118(鮮魚骨湯底、海中蝦、松葉蟹肉、新鮮元貝、香燒日本生蠔)雞湯本身我想像係油啲濃烈啲，但黎到一飲係好清好舒服，有驚喜👍🏻 我一路食一路飲啲湯不知不覺就飲晒見底🤣 而且麵既份量真係出奇地多！麵可以揀選拉麵/扁拉麵/+$8烏冬，而且可以選擇硬度好貼心，手機落單自由揀選，多蔥多芫茜都得🥰 除佐湯底，值得一讚係配料，真係樣樣有比足你，而且食落唔求其又大大舊，由其鐵三角既海鮮料真係有誠意👍🏻 每碗麵仲配佐碟中華沙律小食☺️☕️ 茶水間嘆返杯 (menu任選一款)✦ 搖呀搖烘焙 +$30 ⭐️✦ 咸檸可樂 +$15邊會諗到一間食中式湯麵既地方會有靚啡飲🤩 有啲cafe+fusion感覺，店員
我好中意食湯麵，由其是熱辣辣咕嚕咕嚕同啲湯一齊食！呢間餐廳主打真材實料高質靚湯底，同本地烘焙高海拔咖啡，咁正一於試下😍 店鋪加入好多霓虹燈裝飾，水泥磚牆風格幾型格別緻👍🏻 就到Halloween仲加佐好多裝飾好有心思！我地2個人1人1個套餐，份量好夠食完係非常飽😂精選套餐：
🍜 食碗麵飲啖湯 (menu任選一款)
✦ 好鬼補雞湯麵 $88 ⭐️
(濃雞湯底、花膠、魚肚、新鮮雞柳、北菇、雲腿絲)
✦ 鐵三角蠔蝦蟹海鮮湯麵 $118
(鮮魚骨湯底、海中蝦、松葉蟹肉、新鮮元貝、香燒日本生蠔)
雞湯本身我想像係油啲濃烈啲，但黎到一飲係好清好舒服，有驚喜👍🏻 我一路食一路飲啲湯不知不覺就飲晒見底🤣 而且麵既份量真係出奇地多！麵可以揀選拉麵/扁拉麵/+$8烏冬，而且可以選擇硬度好貼心，手機落單自由揀選，多蔥多芫茜都得🥰 除佐湯底，值得一讚係配料，真係樣樣有比足你，而且食落唔求其又大大舊，由其鐵三角既海鮮料真係有誠意👍🏻 每碗麵仲配佐碟中華沙律小食☺️
☕️ 茶水間嘆返杯 (menu任選一款)
✦ 搖呀搖烘焙 +$30 ⭐️
✦ 咸檸可樂 +$15
邊會諗到一間食中式湯麵既地方會有靚啡飲🤩 有啲cafe+fusion感覺，店員細心介紹咖啡係由本地咖啡師烘焙，採用尼加拉瓜高海拔咖啡豆，雨林聯盟認證，注重生態可持續發展👍🏻 最重要係話咖啡因相對少，對我女仔黎講會健康啲又可以飲得多啲！我嗌呢杯搖呀搖面頭加佐啲岩鹽，食到底有啲鹹味幾正👍🏻
🍖 口痕痕 (menu任選一款)
✦ 香辣單骨雞翼 +$25
✦ 黃金炸生蠔 +$25 ⭐️
2樣都好香口，而我特別中意炸生蠔，咸蛋黃面好正👍🏻 外脆內軟，生蠔食落超新鮮，$25咁高質好抵食！
🥬 一定要食菜 (menu任選一款)
✦ 迷你金銀蛋白菜 +$38
無錯一定要食菜，均衡飲食，又估唔到菜咁大份，咸蛋皮蛋都好足料，又係好有誠意既一道☺️
张贴
