熨烤達人 (已結業)

準時放工嘅鼓勵，就係食餐好嘅。嚟到旺角食韓燒，一入到去以為自己去左韓國，我印象中到上次去韓國食韓燒個間店都係咁格局。入去個刻咁啱有幾枱剛走，即刻影底佢，真係幾似㗎。食物叫左個超級熨斗烤壓套餐，職員好好，完全係燒埋俾你，食殘費餐🤣。先用鐵板烤五花腩同豬皮，五花腩超好味，佢嘅肥剛剛好。之後就用網燒牛肉類嘅食物，雪花牛，牛肋骨都ok，嚟到壓軸嘅m5牛肉眼扒，最正係呢個，自己燒幾成熟，我自己試完，覺得最好係6成度，小小生，外邊熟係剛好。幾欣賞佢個熨斗，平時燒嘢會淨條邊或者唔夠平均，有左佢，成塊都一樣程度嘅熟。另外我地心思思想食水冷麵，夏天又燒，食啲冷嘢，都ok嘅。飲品叫左smoothie cider士多啤梨，好飲。是日每人420元，呢個份量兩個人有啲多，可以3個人。