影片
更多
2022-10-13
657 浏览
最近派左消費券，決定豪番次搵間高質燒肉放題犒賞自己🥰今次就黎到《和牛燒肉一郎》試試，佢地係主打日本黑毛和牛，而且仲有以日本JR為概念，用「新幹線」黎送餐，感覺幾新穎有趣🤩今次我地揀左「Course C 日本產黑毛和牛放題及極上花盛合」($598)，可以試勻整整110款以上既食物，包括4款黑毛和牛、25款精選牛肉，仲有好多特色食物包括和牛刺身、和牛壽司等🥰一入座餐廳會送上4款肉類拼盤，包括花畑Box、是日寶箱、舟盛、桶盛😋呢幾份肉類擺盤都好靚，仲有煙飄出黎岩曬打卡🥰由於種類太多啦，我就揀d最特別/最推薦既野share比大家😙‣ 肉類呢個套餐包括既黑毛和牛包括和牛里脊肉、和牛薄炙燒里脊肉、和牛薄炙壽喜燒里脊肉同埋和牛牛肉角切(一口牛)😆黑毛和牛既油脂非常豐富，牛肉食落好滑嫩，而且勁多肉汁！大家唔好錯過呢種和牛呀🤩！另外好推薦既就係用一個“寶箱”盛載住既其實係一塊「和牛西冷」，標榜「當日新鮮即切」，真係好鬼高質！平時食西冷都食得多，但咁大塊既和牛西冷都真係第一次食，燒出黎肉味香濃，而且牛肉油脂豐富，口感嫩滑，十分推介🥳‣ 紫菜湯/野菜湯其實食燒肉食到一半開始有d膩，所以同朋友開始想食d非肉類
今次我地揀左「Course C 日本產黑毛和牛放題及極上花盛合」($598)，可以試勻整整110款以上既食物，包括4款黑毛和牛、25款精選牛肉，仲有好多特色食物包括和牛刺身、和牛壽司等🥰
一入座餐廳會送上4款肉類拼盤，包括花畑Box、是日寶箱、舟盛、桶盛😋呢幾份肉類擺盤都好靚，仲有煙飄出黎岩曬打卡🥰由於種類太多啦，我就揀d最特別/最推薦既野share比大家😙
‣ 肉類
呢個套餐包括既黑毛和牛包括和牛里脊肉、和牛薄炙燒里脊肉、和牛薄炙壽喜燒里脊肉同埋和牛牛肉角切(一口牛)😆黑毛和牛既油脂非常豐富，牛肉食落好滑嫩，而且勁多肉汁！大家唔好錯過呢種和牛呀🤩！
另外好推薦既就係用一個“寶箱”盛載住既其實係一塊「和牛西冷」，標榜「當日新鮮即切」，真係好鬼高質！平時食西冷都食得多，但咁大塊既和牛西冷都真係第一次食，燒出黎肉味香濃，而且牛肉油脂豐富，口感嫩滑，十分推介🥳
‣ 紫菜湯/野菜湯
其實食燒肉食到一半開始有d膩，所以同朋友開始想食d非肉類既野😂碌下menu發現餐廳竟然有紫菜湯/野菜湯提供，就叫番兩碗黎試下；呢兩碗都係落左麻油，兩者之間我覺得紫菜湯比較好飲😋
‣ 甜品
首先一定要重點推薦就係明治雪條放題😍呢到口味都幾多，當中我同朋友都推薦cookies & cream同埋抹茶朱古力雪條，好好食🥰除此之外，餐廳仲有唔少自製甜品，包括牛奶布丁、檸檬忌廉杯、焦糖布丁、玉桂青蘋果芝士餅等，咁多款其實都幾好食，當中我最鍾意就係牛奶布丁，濃郁既牛奶味好好食😝
‣ 飲品🧃
呢到既飲品除左有常見既汽水之外，仲有餐廳自製既特色飲品，包括菠蘿青瓜美人水、粉紅檸檬梳打、Sangria等，我個人覺得菠蘿青瓜美人水都唔錯，酸酸甜甜咁幾解膩🤣
餐廳座位好舒服，主要以卡座為主，私隱度相對較高；呢到係用QR code落單，用餐時間結束前30分鐘就會截單～送餐通常以「新幹線」黎送，效率好高而且仲有玻璃窗保護「路軌」，送餐過程都幾衛生，幾滿意呢個安排👍🏻另一點值得讚賞既係餐廳抽風系統做得唔錯，食完都唔會成身油煙味🫶🏻
整體黎講，呢間餐廳真係好高質！無論係食物質素(肉類/甜品)、食物種類、送餐安排、餐廳環境等都係好滿意，絕對會再encore！
💰Total: $1316 ($658/pp 已包括10%服務費)
📍 和牛燒肉一郎｜@ wagyuyakinikuichiro
荃灣大壩街4-30號荃灣廣場6樓621至630A號舖 (到訪分店)
銅鑼灣波斯富街24-30號寶漢大廈2樓
佐敦佐敦道31-37號百誠大廈3樓
將軍澳貿業路8號新都城中心2期1樓1040-41號舖
张贴
