影片
更多
2015-10-20
670 浏览
睇我唔出，其實我好鐘意食Afternoon Tea，小小的一件餅，有甜有咸，加上用靚杯盛嘅咖啡。Tea Set 重點係為二人而設，相約緻友，談天說地，嘆一個下午。今日到銅鑼灣信和Princess break 一 break，呢度個環境真係好Relaxing，藍色牆身、蕾絲枱布、水晶吊粒，係治癒系嘅配塔，比起一般粉紅粉紅裝潢，少了一份公主味道，多了一份貴氣。Afternoon Tea Set 二人份 $398，食前感覺：喔，酒店價...食後感覺：嚟呢度好過去酒店啦，一個字，HEART！呢度嘅食物質素，真係好有HEART！食材已經用上有鵝肝、魚子醬、三文魚子，仲有金箔添！食材配搭同造型都係一絕，每一款都有震撼，每一口都會叫嘩嘅下午茶！仲有d smaller portion for 1人 嘅set同pasta！Drink list，Tea set 包花果茶，其他espresso就加$5 就有。我就點咗個Rose Latte，啖啖玫瑰香唔太甜亦冇搶過Coffee嘅味道！一杯會令人滿足嘅Rose Latte。Tea set 到啦！食呢個Tea set無需要拘泥於English Tea 禮儀或學問
睇我唔出，其實我好鐘意食Afternoon Tea，小小的一件餅，有甜有咸，加上用靚杯盛嘅咖啡。Tea Set 重點係為二人而設，相約緻友，談天說地，嘆一個下午。
今日到銅鑼灣信和Princess break 一 break，呢度個環境真係好Relaxing，藍色牆身、蕾絲枱布、水晶吊粒，係治癒系嘅配塔，比起一般粉紅粉紅裝潢，少了一份公主味道，多了一份貴氣。
Afternoon Tea Set 二人份 $398，食前感覺：喔，酒店價...
食後感覺：嚟呢度好過去酒店啦，一個字，HEART！
呢度嘅食物質素，真係好有HEART！食材已經用上有鵝肝、魚子醬、三文魚子，仲有金箔添！食材配搭同造型都係一絕，每一款都有震撼，每一口都會叫嘩嘅下午茶！
仲有d smaller portion for 1人 嘅set同pasta！
Drink list，Tea set 包花果茶，其他espresso就加$5 就有。
我就點咗個Rose Latte，啖啖玫瑰香唔太甜亦冇搶過Coffee嘅味道！一杯會令人滿足嘅Rose Latte。
Tea set 到啦！食呢個Tea set無需要拘泥於English Tea 禮儀或學問，直接d，上面個層你嘅，下面個層我嘅！因為除咁Macaroon以外，食物都係一色一樣嘅，夠貼心了吧！
分享一下d美食先！Ps. 其實我記唔晒架，憑記憶，分享幾多得幾多，不過每次用餐前店長都會用心解說一次，包你知道自己食緊乜！好有Heart，加分！
先介紹Macaroon，認識我嘅朋友都知我好怕甜，一見Macaroon就耍手拎頭。但係呢四件Macaroon一d都唔甜，其中兩舞仲要係咸味，夠特別了吧！羅勒蕃茄馬卡龍（左上、咸味）
好繽紛嘅顏色，兩樣平凡嘅食材，放入Macaroon入面，Macaroon少了份甜味，多了份羅勒香，帶出蕃茄嘅清新味道。好特別！
鵝肝馬卡龍（左下、咸味）
一口香濃鵝肝味，配合馬卡龍的烤蛋白口感，好特別嘅效果。鵝肝中吃出Macaroon 嘅甜味，中和咗鵝肝嘅咸，Perfect Match!
另外兩件甜味Macaroon檸檬及莓，都被以上兩款比下去了，咸味Macaroon都係special d，必要一試！！
其他甜點有宇治金時蛋糕 抺茶味特濃，抺茶愛好者一家會大叫好味！由其個cream真係好rich，不過抺茶我就麻麻啦，反而鐘意旁邊嘅mosses pastries 感大興趣d。
幾件的的骰骰嘅pastries，由食材配搭到presentation，簡約中隱藏貴氣，非常有心思！
餅乾上盛著嘅分別係兩款慕絲...
煙三文魚忌廉芝士脆片 平日都有下廚，做下的骰小食的我都有諗過可以咁樣做，將三文魚同Cream cheese blend 埋，原來口味比原塊煙三文魚放上cream cheese 上更夾。少了一點煙燻的咸，多了一點奶酥香味，整大份d咪可以做Salsa 醬囉？Yummmm
牛油果蟹肉脆片 蟹肉同牛油果一向都係絕配，加埋三文魚子，帶出蟹肉鮮味，上有三文魚子我咸，下有牛油果的甜，中和絕配！
眼睛又來閃閃亮了，pastries 係我至愛，配上咁特別口味嘅慕絲，真係好想一口一個呀！Sorry 我真係嘆唔到囉，因為好食到我想一口接一口呢！有點誇張，但我真心鐘意食！
鮮果撻 custard 上鋪上生果，tea set 的指定小吃吧！Heart 又要來了！！
魚子醬碎蛋撻 一入口先係碎蛋沙律嘅味道，魚子醬反而後湧而上，平凡的即時顯得不平凡！
鵝肝醬撻 哈哈，一入口就浸淫在係鵝肝嘅香酥味入面，花雕香嘅香環回口腔，喜愛鵝肝嘅你必家都愛這個。
黑松露撻 附上金箔的黑松露配黑毛豬肝醬，香味濃烈，兩者配搭的非常好，食完後口腔仲有好香濃嘅味道。初入口感覺會比較濃，之黎加一口咖啡，中和口腔中的咸，讓黑松露味道存留更久。
咸後一點甜，來到princess tea set 亮點玻璃鞋及朱古力玫瑰玻璃鞋 造型嘅玻璃鞋其實係strawberry cream cheese，味道酸酸甜甜好清新，不帶一點creamcheese 的酥，正好一解口腔中濃烈味道。但呢個甜點比較易溶，到我地食嘅時候已經變成低跟鞋了。
朱古力玫瑰 72%黑朱古力蛋糕，一d都唔苦，因為當中有原粒的raspberry，有點酒味，是浸whisky嗎？甜味慢慢滲出黎，好warm，好香濃，呢個絕對係要encore！
唔夠喉？餐廳都有其他好有Heart嘅甜品，走入黎之前一眼就睇中呢個朱古力小熊蛋糕，佢嘅造型真係好cute，仲要好仔細！wait wait，佢點止係用黎呃like咁簡單，好靚得黎佢仲要好食，chocolate mud cake有點brownie嘅感覺，軟棉棉，好warm，好滿足！
食tea嘅重點就係要Hea，由下午Hea到黃昏，傾計都用晒d energy啦，點多個飽肚嘅pasta完結今日嘅美食之旅！煙肉藜麥幼蛋麵 好surprise，名改得平平無奇，點之又係有Heart之作。三文魚子嘅海水味加埋呢個橙色，吃了了不明的海膽味道，好特別！意粉煮得好爽口，吃得出的專業同執著！
聽聞呢度嘅晚餐都唔錯，有機會一定要試埋有Heart 晚餐！
张贴
