峯日式料理 (已結業)

峯，門口有日式門簾作裝飾，店內座位用嘅都係木枱木凳，感覺簡潔乾淨，一啲都唔嗡耷。鋪面位置不大，某啲位置坐低後可以見到廚房。當日午市時段人流唔多，唔駛等就直接入座。午餐定食有四款，咖哩牛肉、雞塊、豬排和吉列蝦。每部定價為$50，送罐裝汽水，想飲其他飲品（eg凍檸茶）就要加錢啦。咖啡豬排定食一定係首選！豬排夠大塊，切開六份，外表酥脆，炸粉唔算厚，入面塊肉有咬口。而咖哩都不過不失，有啲紅蘿蔔粒。碗飯份量睇落好少，正常女仔食應該啱啱好。溏心蛋蛋黃夠流心，不過食落就無咩味。同行友人有嗌牛肉同炸雞定食，牛肉比較普通，雞塊都夠juicy～以呢個價錢喺觀塘覓食，都算係咁㗎啦！