環境: 樓上鋪, 地方寬敞, 整個環境都極具中國風特色, 木色桌椅加紅色吊旗, 紅木顏色十分醒神。
食物:打邊爐除咗講求食材嘅多元化, 新鮮同品質外, 湯底都至為重要!
而麻辣湯底係每次火鍋都必選的, 再多加一個蜂巢豆腐白湯鍋雙拼, 按自己喜歡嘅口味點選想要嘅湯底拾下拾下, 正!
🥘祖傳秘製麻辣鍋 -
對於受唔到太辣的人嚟講, 呢個小小麻辣程度嘅湯底就岩晒你, 小小辛麻又唔會愈滾愈辣, 用嚟拾一拾啲肉入口係岩岩好!
🥘蜂巢豆腐白湯鍋 -
養生嘅人士不得不選呢款多個中藥材熬製而成嘅湯, 少少嘅參香味加香濃奶白嘅豆腐味, 真心不錯!
不得不提, 兩款湯底本身都有鴨血同自家制嘅蜂巢豆腐做湯料 (當然仲有其他湯料), 尤其鴨血經過花椒辣椒等煮過, 吸入晒所有湯底嘅精華, 完全冇血腥味, 仲有小小麻辣味㖭。 對於兩款食物都中意食嘅小妹嚟講, 係食唔停口!
而其他可點選食材方面, 種類亦都好多的, 由
手打丸, 不同口味的醬爆丸,
手切牛, 安格斯肥牛,
黑豚肉, 梅花豬肉,
羊肉片, 鮮雞件, 雞子, 海鮮, 餃子
到各式各樣嘅蔬菜等,
基本上諗得出都會有, 而且食物新鮮質素高, 尤其牛羊豬類。
最貼心嘅係可以只點 "半份" , 2個人食都可以試到好多食物, 而且半份嘅量都唔少!
真心! 得閒真係可以收工三五成群(兩個人都可以) 先嚟個火鍋, 然後再係附近啤啤佢直落夜蒲到天光!
