影片
更多
2023-02-13
32 浏览
數數手指都好耐無行過山頂，趁放假休息，就想上去吸收下新鮮空氣。原來商場唔同晒，裝修過光猛咗，仲多咗好多唔同嘅餐廳。位於一樓嘅PHI，近排好hit啵，一於試試啦。裝修好簡約，以木色白色做主調，走柔和舒服嘅風格。山頂雖然都屬於遊客區，不過都仲係好靜，cafe都唔算好多人，晚市都唔使點排隊，靜靜地食餐飯。🍴季節限定｜金蘋果梳乎厘見到季節限定，諗都冇諗就揀咗。焦糖蘋果做source，焦糖味好重，蘋果味比較淡，如果好鍾意食甜嘢嘅相信會鍾意。雪糕香滑，但焦糖味俾佢揼出。有三件大大件疏乎厘，要同朋友share就啱啱好。🍴牛油果火腿牛角包擺盤靚好心思，牛油果剛剛好熟，好creamy。火腿原來係用Parma ham，鹹香味撲鼻，牛角色偏硬淨，切落去都唔會散。呢三種配搭穩陣，唔會輸。🍴蜆肉西班牙腸扁意粉睇相見到，蜆肉係原隻上，但係今次就已經拆咗肉，懶人都唔使太擔心。蜆肉都非常多，西班牙腸味濃，令到意粉都非常香濃。意粉為蒜香意粉，炒得非常乾身同硬身，亦都有蒜香洋蔥味。🍴手沖咖啡作為一間Cafe，咖啡都非常重要。餐廳選擇都幾多，居然仲有手沖咖啡揀。職員遞上三隻唔同嘅豆，今次揀咗中淺roast嘅yirgache
位於一樓嘅PHI，近排好hit啵，一於試試啦。裝修好簡約，以木色白色做主調，走柔和舒服嘅風格。
山頂雖然都屬於遊客區，不過都仲係好靜，cafe都唔算好多人，晚市都唔使點排隊，靜靜地食餐飯。
🍴季節限定｜金蘋果梳乎厘
見到季節限定，諗都冇諗就揀咗。焦糖蘋果做source，焦糖味好重，蘋果味比較淡，如果好鍾意食甜嘢嘅相信會鍾意。雪糕香滑，但焦糖味俾佢揼出。有三件大大件疏乎厘，要同朋友share就啱啱好。
🍴牛油果火腿牛角包
擺盤靚好心思，牛油果剛剛好熟，好creamy。火腿原來係用Parma ham，鹹香味撲鼻，牛角色偏硬淨，切落去都唔會散。呢三種配搭穩陣，唔會輸。
🍴蜆肉西班牙腸扁意粉
睇相見到，蜆肉係原隻上，但係今次就已經拆咗肉，懶人都唔使太擔心。蜆肉都非常多，西班牙腸味濃，令到意粉都非常香濃。意粉為蒜香意粉，炒得非常乾身同硬身，亦都有蒜香洋蔥味。
🍴手沖咖啡
作為一間Cafe，咖啡都非常重要。餐廳選擇都幾多，居然仲有手沖咖啡揀。職員遞上三隻唔同嘅豆，今次揀咗中淺roast嘅yirgacheffe。
濃度比較低，果香味都幾突出。唔算太酸，都大路多人鍾意。
🍴Godiva 朱古力酒咖啡
賣相精緻，酒味唔濃，朱古力味好重，加咗厚cream，感覺就好似食咗一杯甜品咁。加埋咖啡☕️唔苦澀，亦都平衡返個味道。
张贴
