蝦麵店 (海光街) (已結業)

🍜#蝦麵店 都未必洗我介紹啦，又黃又抵食💛今次嚟開餐，叫到成枱都係嘢都係二百幾蚊埋單，實在係太良心啦！！🍜麵方面今次試咗啲之前無食過嘅選擇，豬骨雞湯魚片四寶麵質素好高，湯底清得嚟又好濃郁😛魚蛋，魚腐，魚片等等都係靚料無雪味，麵底揀咗新加坡傳統摻摻，即係油麵+米粉🧐富層次感；而福建滷湯蝦肉肉片麵羮係好驚喜嘅選擇，傳統「杰身」嘅福建滷湯配上小店招牌蝦肉😋以及大肉片，十分出色！當然，嚟得唔可能唔試肉骨茶，叫咗個細嘅，用煲仔上，佢係胡椒味重嘅種類，十分開胃❤️而肉骨唔會煮到無晒味，仲係好好食😆🍜小食試咗三款，包括炸雞翼，五香炸豆腐豆卜同沙嗲魷魚翼。雞翼炸得好香口，調味上有啲似泰式感覺，入味而雞肉保持到鮮嫰👏🏻炸豆腐豆卜有五香粉調味，點埋梅子醬真係食唔停口，你又可以放落湯食，係第二種質感🤤但要講最鍾意應該係沙嗲魷魚翼，佢口感夠晒彈牙，配埋沙嗲醬真係一絕！📝PS：食過唔同分店，感覺鰂魚涌呢間食物質素最穩定同啱我口味，僅作參考