漁民麵館 (已結業)

因為之前掃街食花膠食上癮, 所以一發現有平花膠食, 即時衝去試... SY問:「其實, 花膠係咩嚟啫, 點解爸爸你咁鍾意食?」 我:「海味小王子教過我, 佢話花膠即係魚標, 因為好多骨膠原, 老仁家食多D有益同靚D囉」 元朗這新開小店, 可以$38就吃到花膠, (上次旺角年宵都要$40), 所以, 沒有理由不來試啦啦!! 前菜酸辣蘿蔔 $15, 阿太的最愛, 她說:「真係又酸又辣勁開胃, 好嘢」 花膠雞絲翅 $38, 內裡有大塊花膠, 及另外一些碎碎的花膠, SY:「邊D係翅呢?」 其實, 素翅也不算翅吧, 但又有菇, 又有花膠, 絶對是高質碗仔翅. 花膠湯麵 (河粉) $38, 4-5塊花膠加大花菇. 花膠蠔汁撈麵 $48, 可能我不太愛吃河粉, 所以我覺得撈麵味道更加傳神, 其實, 麵食全店就只有這兩款啦!! SY:「花膠真係幾好食」 我:「佢三樣嘢食都超多菇, 其實以咁嘅價錢食花膠, 又入味, 又唔腥, 真係抵」 阿太:「係囉! D花膠又算厚身, 雖然鱈魚唔係咁勁, 但咁嘅價錢, 超值啦, 你睇我食完, 皮膚幾登登登鄧」(係呀! 好膠呀!) 漁民麵館地址 : 元朗擊壤路9號金寶