甜心良品

营业中

休息中

今次嚟到位於屯門好出名嘅紅橋附近Sugar Ma Ma食甜品，小店以即食心太軟為主打，口味足足多達17款，好吸引，深受附近街坊喜愛。招牌原味朱古力心太軟心太軟即叫即焗，口感外脆内軟，切開之後中間流心好澎湃咁流出嚟，朱古力味道香醇，配合自家製伯爵茶雪糕，口感冷熱交融，好特別，而心太軟可以配搭多達12款唔同口味嘅雪糕。招牌純蛋白梳乎厘梳乎厘外脆，內裏口感鬆軟，帶有香濃嘅蛋白味，味道唔會太甜，空氣感十足，濕潤度啱啱好。