吉氏

营业中

休息中

【屯门区】【吉氏】同啲屯门牛倾开屯门饮食文化，好多朋友都话虽然多咗人会返内地食饭，但系其实喺屯门，有质素嘅餐厅依然喺度，例如置乐花园后面𠮶几条街，俨然已经隐约有「食街」嘅雏型走咗出嚟。老读者就知我好耐之前都喺附近觅过吓食，今次就试吓啲新嘢。同皮蛋哥嚟到呢间开张大半年嘅「吉氏」，觉得可以一战就入咗去。大家都叫咗午餐，前菜嘅「蕃茄汤」非常浓香，好足料。主菜试「肉酱手工薄饼」，都好正，系我中意嘅薄饼类型。另外试埋「西班牙烧乳猪伴薯蓉及烩烟肉椰菜」，招牌菜之一，好好食。佢特别分开咗两个位嚟整，一边系食鲜嫩感，一边食肉香，配埋劲脆嘅猪皮真心掂。试个屯门独家嘅「巴伐洛娃蛋白饼」做甜品，系用蛋白同糖以长时间慢慢焗成嘅蛋糕，口感特别，味道丰盈，好食。好似上环都有间西餐系食类似呢样嘢，但屯门就真系冇见过。餐饮我哋饮埋冻嘅「Americano」同「Mocha」，都系水准之作。之后老板娘仲出嚟吹吓水，讲到佢哋晚市仲有道都好受欢迎嘅「鸽子批」，我都心思思想下次试埋佢哋个晚市呀。皮蛋哥都好欣赏呢度啲菜式，而老板娘就笑笑口咁，欢迎我哋下次再嚟咁话。。。（地址：屯门青善街28号康景花园地下1号舖）#1amfoodi