影片
更多
2025-07-12
262 浏览
今日收工同朋友去咗尖沙咀諾士佛台一間叫「ShowTime Sports Bar」酒吧餐廳，呢間酒吧經營咗好多年，由大學時期已經嚟過，呢度嘅signature cocktail性價比好高，視覺效果又靚，唔飲酒嘅朋友仲可以改成無酒精嘅版本。而且有好多酒game，包括Beer Pong、俄羅斯輪盤、飛鏢、Snooker，啱晒一大班朋友同事嚟聚餐。🍊Crazy Hour呢度嘅crazy hour真係好crazy， 星期一至日嘅16:30至19:30，紅酒、白酒、氣泡酒、啤酒等等只係$38一杯！咁平嘅價錢喺尖沙咀點搵到？🍊 Royal Flush呢杯係酒吧餐廳中最有特色嘅signature cocktail，上菜時職員會點火，令到擺酒嘅托盤着火，燃燒完之後就會見到底下有一副同花順嘅啤牌，對應返Royal Flush呢個酒名，視覺效果滿滿，杯酒用咗乾冰喺下面座住，上面係清澈嘅粉紅色，用咗gin做base，加入龍眼同雜莓等材料，味道清甜，而且酒感輕盈，好啱女仔飲🍊日式燒牛肉呢個又係超抵食嘅伴酒小食，只需$58嘅冷盤，生熟嘅牛肉片配上生雞蛋同洋蔥醬汁，味道同口感都唔錯，性價比極高，嚟到一定要嗌🍊 燒牛
🍊Crazy Hour
呢度嘅crazy hour真係好crazy， 星期一至日嘅16:30至19:30，紅酒、白酒、氣泡酒、啤酒等等只係$38一杯！咁平嘅價錢喺尖沙咀點搵到？
🍊 Royal Flush
呢杯係酒吧餐廳中最有特色嘅signature cocktail，上菜時職員會點火，令到擺酒嘅托盤着火，燃燒完之後就會見到底下有一副同花順嘅啤牌，對應返Royal Flush呢個酒名，視覺效果滿滿，杯酒用咗乾冰喺下面座住，上面係清澈嘅粉紅色，用咗gin做base，加入龍眼同雜莓等材料，味道清甜，而且酒感輕盈，好啱女仔飲
🍊日式燒牛肉
呢個又係超抵食嘅伴酒小食，只需$58嘅冷盤，生熟嘅牛肉片配上生雞蛋同洋蔥醬汁，味道同口感都唔錯，性價比極高，嚟到一定要嗌
🍊 燒牛肉串組合
呢個燒牛肉串有四串，包括安格斯牛肉串、牛肉串、山賊牛肋串、牛舌芯串，全部都用咗鹽燒，燒熟嘅程度啱啱好，口感唔會太韌，而且肉質有口感，肉串嘅牛味濃郁，最抵係呢個組合仲會包埋一杯嘢飲，可以揀紅酒、白酒、啤酒、mocktail或汽水
🍊 磯燒鮑魚
呢度有期間限定嘅餐牌，串燒都係$10/$15/$20一串，比起坊間其他串燒舖真係好抵食，一隻磯燒鮑魚都只係$20，我哋嗌咗兩隻，磯燒令到鮑魚吸收晒醬汁嘅甜味，而鮑魚嘅口感亦燒到爽口彈牙
🍊 明太子珍寶帶子意粉
明太子醬嘅份量足夠，令到成個意粉都帶有鹹香嘅味道，珍寶帶子兩邊煎香左，食落去味道鮮甜，不過得一粒唔係好夠喉
🍊 水牛城雞翼配藍芝士醬
水牛城雞翼嘅份量都足夠，而且即叫即炸，雞翼嘅外皮炸到香脆，水牛城嘅醬汁都好濃味，如果想更惹味嘅朋友可以點埋旁邊嘅藍芝士醬
📍 尖沙咀諾士佛臺10號騰龍閣3樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
张贴
