元祖沾麵專門店 (已結業)

無聊翻查下先知道原來沾麵嘅起源係𝟔𝟎多年前，由一間拉麵店開創沾麵嘅先河！當時將湯同拉麵分開上，用拉麵浸湯佐食。最後演變成今時今日大家所吃到嘅大眾沾麵🍜
-
✤ 極上芝士蟹黃沾麵 $𝟏𝟒𝟖
沾麵湯以熱石鍋上嘅時候仲可以見到沸騰冒泡🫧濃稠呈現金黃色嘅芝士沾麵湯忌廉味濃郁、面頭放上海膽兩片，混入湯底更顯鮮味。另外配有滿佈芝士、內有蟹膏嘅焗製蟹蓋用以佐麵，味道濃郁，值得留意嘅係凍咗好容易變硬，記得趁熱食🔥

✤ 豚肉魚介沾麵 $𝟖𝟗
湯底味道濃郁、鹹香十分，湯底入面有不曬熬製得好稔身嘅角切肥膩豚肉，油脂爆燈💡麵條偏粗身、相當掛汁、配料有帶有焦香甜味嘅叉燒片、溫泉蛋、香蔥以及筍片。