影片
更多
2024-06-14
64 浏览
今日嚟到尖沙咀一間韓國餐廳 @bbb.pocha ，上到嚟俾個環境嚇親，出面嘅位置似韓國嘅街道；入到去似韓國嘅酒吧或者夜場，加上唔同嘅燈光效果，有種Y2K嘅感覺，非常適合打卡。➡️實現五花肉自由烤盤 $68+無限追加五花肉 +$30五花肉每次大概有三至四塊，超級肥美。燒完之後，油香四溢，邊邊位仲有少少脆口，非常邪惡。😻🤤四塊唔夠分可以加$38，變成無限追加mode，而且記住$38唔係人頭計係每台只需要+38就可以無限追加，真係非常之抵食。😽同時，佢會包三款嘅醬，韓式包肉醬、麻油鹽醬，同一定要試清爽檸檬柚子醬，味道清新，包埋生菜可以去油脂感。隨時refill多幾次都得。🫶🏻😼比較可惜嘅係舊肉本身冇調味，就算點咗醬，味道都好似唔多夠。可能要點多啲醬，或者睇吓有冇鹽同黑椒，燒嗰陣落定。味道：8.4/10➡️+$12 韓式冷麵（小）每個人只要加$12就有碗冷麵食，麵質煙煙韌韌，味道清爽，可以解膩。✌🏻味道：8.2/10➡️BUTTER X GARLIC 無骨炸雞$158無骨炸雞不嬲都係小編最愛（懶🙂），啖啖肉好鬼正。呢度全部都係用咗雞髀肉，唔會太瘦。而且外皮充滿蒜蓉牛油醬，超級香口。🥰佢呢度嘅炸皮同
今日嚟到尖沙咀一間韓國餐廳 @bbb.pocha ，上到嚟俾個環境嚇親，出面嘅位置似韓國嘅街道；入到去似韓國嘅酒吧或者夜場，加上唔同嘅燈光效果，有種Y2K嘅感覺，非常適合打卡。
➡️實現五花肉自由烤盤 $68
+無限追加五花肉 +$30
五花肉每次大概有三至四塊，超級肥美。燒完之後，油香四溢，邊邊位仲有少少脆口，非常邪惡。😻🤤
四塊唔夠分可以加$38，變成無限追加mode，而且記住$38唔係人頭計係每台只需要+38就可以無限追加，真係非常之抵食。😽
同時，佢會包三款嘅醬，韓式包肉醬、麻油鹽醬，同一定要試清爽檸檬柚子醬，味道清新，包埋生菜可以去油脂感。隨時refill多幾次都得。🫶🏻😼
比較可惜嘅係舊肉本身冇調味，就算點咗醬，味道都好似唔多夠。可能要點多啲醬，或者睇吓有冇鹽同黑椒，燒嗰陣落定。
味道：8.4/10
➡️+$12 韓式冷麵（小）
每個人只要加$12就有碗冷麵食，麵質煙煙韌韌，味道清爽，可以解膩。✌🏻
味道：8.2/10
➡️BUTTER X GARLIC 無骨炸雞$158
無骨炸雞不嬲都係小編最愛（懶🙂），啖啖肉好鬼正。呢度全部都係用咗雞髀肉，唔會太瘦。而且外皮充滿蒜蓉牛油醬，超級香口。🥰佢呢度嘅炸皮同美式炸雞有啲唔同，未去到成個都卜卜脆咁熱氣，反而係有啲邊邊角角嘅位比較焦脆。
不過佢嘅味道確實偏重，個人略嫌鹹咗少少，要配返杯嘢飲比較好。🤔
味道：8.2/10
➡️大發！芝士鐵板黑松露炸醬拉麵 $98
原本以為只係一個普通嘅芝士撈麵，點知有幾有驚喜。除咗因為佢用鐵板上，芝士夠多，非常拉絲之外。佢嘅黑松露味意外地突出，芝士加黑松露唔會唔好食啦掛？🤣🤣🤣
味道：8.3/10
➡️粉紅西柚特飲 $58
➡️菠蘿冰茶 $58
兩杯飲品嘅味道上唔算太特別，都係基本嘅果味梳打水同茶。
（後記：之後發現佢有隻限定海鹽菠蘿啤酒同最新韓劇同款啤酒 Kelly 買2送1。😅勁後悔冇睇清楚，小編好想試下。🥹）
味道：7.6/10
张贴
