翔壽司 (已結業)

尖沙咀厚福街一向都多嘢食，今次晏晝約埋同事嚟呢間日本小店食壽司，10件壽司套餐($158)可以任揀任何款式10件，個人覺得呢個set都幾抵食，且性價比高，因為有一些價錢比較貴的壽司都有得揀。我揀咗以下呢10件壽司，包括火炙三文魚腩壽司、油甘魚壽司、深海池魚壽司、帶子壽司、甜蝦壽司、火炙金線鯛壽司、芥辣八爪魚軍艦。先來附上套餐的沙律和麵豉湯，在食緊沙律，飲緊麵豉湯的同時，近距離觀看師傅整壽司，我覺得師傅嘅速度都幾快手，好快我嘅壽司就上枱啦！每一件壽司都好飽滿、肥美，不知從何件先入手。火炙了的金線鯛壽司，多了一層焦香；肉厚鮮甜的帶子；兩大隻鮮味的甜蝦，每一口都いい味（即好好味意思）。另外店員亦會在下單時問你壽司要唔要芥辣，若果要的話每件壽司裏邊就會夾住細粒的芥辣，所以沾少少豉油去食，已提升壽司的鮮味。