影片
更多
2023-06-08
47 浏览
網上留意到呢間靚靚打卡餐廳，餐廳裝修係歐式宮廷風，周圍都有好多花花打卡位，今次專燈同男朋友過嚟試。———————————————🌟香草牛油焗田螺 Escargot $118田螺入面加有好多香草配料，食落味道好香好濃郁，開出嚟仲有好多汁。旁邊仲有幾塊法包片，食落好香脆。田螺下面仲有好多薯蓉，不過薯蓉似乎有落咗檸檬汁，味道上會偏酸少少，感覺幾特別不過個人會鍾意咸味多少少。.🌟香煎海鱸魚伴北海道帶子 Pan Seared Sea Bass $218上台果下已經覺得擺盤真係超精緻，有兩塊大鱸魚上面再加一粒香煎帶子，側邊仲放滿好多食用花草做裝飾。鱸魚煎得啱啱好，魚皮非常香脆之餘魚肉亦都好嫩滑。另外佢配有一種黃色醬汁，食落有少少龍蝦香味有海洋嘅感覺，同鱸魚味道非常之夾。.🌟波士頓龍蝦西班牙海鮮飯 Lobster Seafood Paella $348呢個海鮮飯份量非常大而且超足料，上面有半隻大龍蝦同各種海鮮，包括蜆、蝦、魷魚、青口同魚肉，全部食落都好新鮮彈牙。至於海鮮飯都吸引曬高湯精華，味道好濃郁口感亦都好煙韌。.🌟芒果熱情果合桃班戟 Mango Passion Fruit Crepe $88班戟
網上留意到呢間靚靚打卡餐廳，餐廳裝修係歐式宮廷風，周圍都有好多花花打卡位，今次專燈同男朋友過嚟試。
———————————————
🌟香草牛油焗田螺 Escargot $118
田螺入面加有好多香草配料，食落味道好香好濃郁，開出嚟仲有好多汁。旁邊仲有幾塊法包片，食落好香脆。田螺下面仲有好多薯蓉，不過薯蓉似乎有落咗檸檬汁，味道上會偏酸少少，感覺幾特別不過個人會鍾意咸味多少少。
.
🌟香煎海鱸魚伴北海道帶子 Pan Seared Sea Bass $218
上台果下已經覺得擺盤真係超精緻，有兩塊大鱸魚上面再加一粒香煎帶子，側邊仲放滿好多食用花草做裝飾。鱸魚煎得啱啱好，魚皮非常香脆之餘魚肉亦都好嫩滑。另外佢配有一種黃色醬汁，食落有少少龍蝦香味有海洋嘅感覺，同鱸魚味道非常之夾。
.
🌟波士頓龍蝦西班牙海鮮飯 Lobster Seafood Paella $348
呢個海鮮飯份量非常大而且超足料，上面有半隻大龍蝦同各種海鮮，包括蜆、蝦、魷魚、青口同魚肉，全部食落都好新鮮彈牙。至於海鮮飯都吸引曬高湯精華，味道好濃郁口感亦都好煙韌。
.
🌟芒果熱情果合桃班戟 Mango Passion Fruit Crepe $88
班戟先唔講好唔好食，淨係打卡都已經夠曬🤭顏色好色彩繽紛仲要有好多食用花陪襯。旁邊嘅忌廉係餐廳新鮮打出嚟，奶味好重口感都好綿滑。班戟皮厚度啱啱好，將旁邊嘅熱情果肉挖出嚟連同芒果醬一齊食，味道酸酸甜甜好好味，同時亦都唔會感覺太膩。
.
🔸整體評價🔸
個人認為呢間餐廳真係好睇又好食，唯一係薯蓉味道酸咗少少，每樣食物都好滿意，價錢亦都唔算貴，各位鍾意打卡嘅朋友仔真係唔可以錯過呢間🥰
张贴
