影片
更多
2022-06-24
51 浏览
上個星期同朋友喺尖沙咀行街 行到咁上下決定醫下肚 就行咗去雲集各式各類餐廳嘅厚福街搵食🤤 最後決定食呢間fusion西式餐廳京式鴨肉意大利粉 $198 (set) $128 (單點)睇menu嘅時候見到呢個幾得意 中西fusion咁 所以出於好奇就叫咗嚟試佢嘅配料係好似食片皮鴨嘅配料咁 有鴨肉粒 京蔥同青瓜 冇諗過原來中式嘅鴨肉料理 撈埋落西式嘅pasta又意外地幾夾喎🫣香烤招牌乳豬 $328有一大隻乳豬脾 分別有 芥末籽同醋mix麥芽糖 2款醬汁可以點 仲有啲沙律伴碟 因為佢係慢煮12個鐘 所以肉嘅部份一啲都唔韌 而乳豬皮就十分之爽脆 好似食緊薯片咁😆避風塘雞翼 $78 一上菜嘅時候嚇親 一碟竟然有成6隻雞翼😱 平時出街食飯嗰啲最多都係4隻 雞翼上面嗰啲『脆脆』充份爆香過 帶到避風塘嘅嗰種精髓 好香口😋因為嗌咗2道都係肉類嘅餸菜 所以叫咗碟沙律食🥗水牛芝士伴醃蕃茄沙律 $88唔好睇佢簡簡單單咁 其實佢係用咗2款唔同嘅蕃茄喺入面🍅一種係普通果種新鮮蕃茄 另一種就用話梅醃製過嘅 酸酸味味咁 加埋啲一大片Buffalo Mozzarella Cheese🧀清清地又開胃 作為前菜非常適合 係
京式鴨肉意大利粉 $198 (set) $128 (單點)睇menu嘅時候見到呢個幾得意 中西fusion咁 所以出於好奇就叫咗嚟試
佢嘅配料係好似食片皮鴨嘅配料咁 有鴨肉粒 京蔥同青瓜 冇諗過原來中式嘅鴨肉料理 撈埋落西式嘅pasta又意外地幾夾喎🫣
香烤招牌乳豬 $328
有一大隻乳豬脾 分別有 芥末籽同醋mix麥芽糖 2款醬汁可以點 仲有啲沙律伴碟 因為佢係慢煮12個鐘 所以肉嘅部份一啲都唔韌 而乳豬皮就十分之爽脆 好似食緊薯片咁😆
避風塘雞翼 $78
一上菜嘅時候嚇親 一碟竟然有成6隻雞翼😱 平時出街食飯嗰啲最多都係4隻 雞翼上面嗰啲『脆脆』充份爆香過 帶到避風塘嘅嗰種精髓 好香口😋
因為嗌咗2道都係肉類嘅餸菜 所以叫咗碟沙律食🥗
水牛芝士伴醃蕃茄沙律 $88
唔好睇佢簡簡單單咁 其實佢係用咗2款唔同嘅蕃茄喺入面🍅一種係普通果種新鮮蕃茄 另一種就用話梅醃製過嘅 酸酸味味咁 加埋啲一大片Buffalo Mozzarella Cheese🧀清清地又開胃 作為前菜非常適合 係素食者都啱食嘅一道餸👍🏻
最後同朋友飽到捧住個肚走🤰🏻
性價比果真唔錯～
张贴
