火桶

营业中

休息中

「韓國街又有新店！由韓國Oppa主理嘅炭烤豬肉，香到隔條街都聞到～」行過尖沙咀韓國街，發現新開咗間光猛企理嘅韓式快餐店，主打秘製醬汁炭烤肉，仲要係韓國人親自坐鎮，一於入去試試佢！ 🍖 大邱辣味炭烤豬肉｜炭香爆燈 豬肉烤到邊位焦脆，炭烤香氣撲鼻，秘製辣醬甜中帶辣，辣度啱啱好唔會搶喉，送飯簡直一流！ 💡 食法貼士：跟餐+$15有韓國生菜，連埋辣醬同白飯一齊包嚟食，咁就啦最滿足啦。🍲 牛五花肉大醬湯｜韓式地道食法 湯底用傳統大醬熬製，濃郁得嚟唔會死鹹，牛五花肉嫩滑，豆腐同蔬菜份量多到瀉！跟足韓國人食法，成碗飯倒落去撈勻，暖笠笠超滿足。 餐廳是韓國人主理，由醃肉到烤製都堅持傳統風味。因為係以快餐模式經營，上菜速度快，午市30分鐘搞掂。座位都好寬敞，比起一般韓食店，呢度枱與枱之間唔會太逼。