影片
更多
2023-10-07
55 浏览
今次去咗尖沙咀呢間泰國餐廳，一入門就見到大大個吊椅打卡位同一隻大熊仔。———————————————🌟炸青木瓜沙律 $99平時都唔會叫呢種菜式，但openrice見到都多人試又讚不絕口，所以都決定叫嚟試下，結果亦都冇令我地失望。青木瓜經油炸後非常香脆，有個酸辣汁入面仲有少量蝦同蔬果，淋上經油炸嘅青木瓜又係另一番風味。.🌟香辣燒鴨鬆沙律 $79呢個其實就係一個生菜包，平時生菜包都係用開豬肉碎，但呢度非常有趣竟然係用燒鴨做生菜包。燒鴨味道好香，特別係有啲連皮就更加冇得頂，配埋生菜食就唔怕太膩。.🌟泰式濕炒海鮮"停頓"之麵 $122呢種"停頓"之麵真係第一次食，佢成個麵係經油炸已經成形，上台果刻就已經係豎起，非常有趣。影完相之後就淋上濕炒嘅醬汁，麵就會慢慢變返腍身，個人係超鍾意呢種半腍半硬嘅狀態非常有咬口，麵本身食落有種好香嘅唔太肯定係蛋定係麥味，食落好唔錯。旁邊仲有好多蔬菜同海鮮，特別都讚一讚個魷魚非常新鮮彈牙！.🌟芒果糯米飯 $89糯米飯一樣都有佢創新之處，糯米飯整成好似餅咁再加蛋汁煎香，外脆內軟，配上芒果加椰汁享用，真係好唔錯。.🌟Thai Mango Smoothie $48芒果味都
今次去咗尖沙咀呢間泰國餐廳，一入門就見到大大個吊椅打卡位同一隻大熊仔。
———————————————
🌟炸青木瓜沙律 $99
平時都唔會叫呢種菜式，但openrice見到都多人試又讚不絕口，所以都決定叫嚟試下，結果亦都冇令我地失望。青木瓜經油炸後非常香脆，有個酸辣汁入面仲有少量蝦同蔬果，淋上經油炸嘅青木瓜又係另一番風味。
.
🌟香辣燒鴨鬆沙律 $79
呢個其實就係一個生菜包，平時生菜包都係用開豬肉碎，但呢度非常有趣竟然係用燒鴨做生菜包。燒鴨味道好香，特別係有啲連皮就更加冇得頂，配埋生菜食就唔怕太膩。
.
🌟泰式濕炒海鮮"停頓"之麵 $122
呢種"停頓"之麵真係第一次食，佢成個麵係經油炸已經成形，上台果刻就已經係豎起，非常有趣。影完相之後就淋上濕炒嘅醬汁，麵就會慢慢變返腍身，個人係超鍾意呢種半腍半硬嘅狀態非常有咬口，麵本身食落有種好香嘅唔太肯定係蛋定係麥味，食落好唔錯。旁邊仲有好多蔬菜同海鮮，特別都讚一讚個魷魚非常新鮮彈牙！
.
🌟芒果糯米飯 $89
糯米飯一樣都有佢創新之處，糯米飯整成好似餅咁再加蛋汁煎香，外脆內軟，配上芒果加椰汁享用，真係好唔錯。
.
🌟Thai Mango Smoothie $48
芒果味都濃，不過略嫌味道太甜，如果少甜就更好。
.
🌟Lychee Garden $68
呢杯飲落有少少Mojito嘅感覺，有果陣淡淡薄荷味同時又有少少酸酸甜甜味，其實佢本身個底就係用ginger ale再加有荔枝，整體感覺都好Fresh。
.
🔸整體評價🔸
如果大家鍾意食不一樣嘅泰國菜，呢間就真係非常適合，每個菜式都係傳統泰國菜之餘又帶有少少餐廳嘅獨有特色，係好值得推薦嘅一間餐廳。
张贴
