睇完餐牌好快就決定到，「飛驒牛A5燒肉二人餐」🙈
上枱一刻梗係要影相先，初初都有啲擔心太肥，但係燒完之後食落口還好，好好味，果然一分錢一分貨😂 西冷、肉排無筋，入口即溶，非常嫩滑，個油味仲停留咗好耐添😋 厚燒牛舌一啲都唔Hea你，勁厚身，牛脂濃，食落有咬口😳
我哋另外仲嗌咗一碟日本豚肩眼，食咗咁多牛中間食片豬可以中和一下。
除咗牛俾到勁多驚喜你之外，前菜、刺身、小食、和牛蘿蔔湯，全部都爆驚喜，樣樣我哋都食到舔舔脷。
本身已經飽飽地諗住食唔到佢哋個飯，唔好講笑，佢哋個海鮮釜飯一定要食！韓國就食得多，日本呢一款清淡得來食落口鮮味爆棚😬 呢度可以2-3人食😏
