影片
更多
2019-06-30
994 浏览
原來不知不覺已經寫到第400篇食評，每一篇都有佢嘅故事。偶然回顧每一篇，當中要感謝陪我試相信我嘅每一個。（還要謝謝openrice admin，辛苦哂）每次見面諗食咩，按住每個人嘅喜好，都考起我，但睇番，大家都係有講有笑，開心咁走，係值得。關係從來唔單止係文字上往來，應該要多出走，見面傾偈先更有意思。今個月真係好忙，係時候拎啲時間出黎同自己見下面，先暫時放下資訊，好好做自己。俾我搵到一間咖啡店，好興奮。入到去，店員勁nice，有種好熟悉嘅感覺。始終係假日，人當然會唔少啦。睇黎「店主」係一隻柴丸，周圍都有佢嘅蹤影。幸好仲搵到一個角落頭坐底，店內播放嘅歌都啱feel，可以靜靜地做自己嘢。裝修好簡單，木系為主。叫咗我近排愛上嘅flat white，唔係好多鋪頭都有「肥威」，比起latte，上年好簿嘅foam，飲到尾層泡都仲有係度，呢啲係技巧。啡香夠，而且呢杯唔酸，好滑。有時間我會再黎，可以抖下都係一件好事，睇下可唔可以為生活添多啲靈感。
每次見面諗食咩，按住每個人嘅喜好，都考起我，但睇番，大家都係有講有笑，開心咁走，係值得。關係從來唔單止係文字上往來，應該要多出走，見面傾偈先更有意思。
今個月真係好忙，係時候拎啲時間出黎同自己見下面，先暫時放下資訊，好好做自己。
俾我搵到一間咖啡店，好興奮。入到去，店員勁nice，有種好熟悉嘅感覺。始終係假日，人當然會唔少啦。
睇黎「店主」係一隻柴丸，周圍都有佢嘅蹤影。
幸好仲搵到一個角落頭坐底，店內播放嘅歌都啱feel，可以靜靜地做自己嘢。
裝修好簡單，木系為主。
叫咗我近排愛上嘅flat white，唔係好多鋪頭都有「肥威」，比起latte，上年好簿嘅foam，飲到尾層泡都仲有係度，呢啲係技巧。啡香夠，而且呢杯唔酸，好滑。
有時間我會再黎，可以抖下都係一件好事，睇下可唔可以為生活添多啲靈感。
张贴
