影片
更多
2021-03-02
617 浏览
每次週末去旺角，都唔太想留咁耐，因為周圍都多人，食飯又要排隊等位。好彩自己本身對餐廳環境要求唔高，乾淨光線充足就OK，所以有時會好「佬」咁樣去食熟食街市。朗豪坊隔離嘅熟食中心，咁多年嚟只去過1次，記得應該係為咗食農夫包。上次嚟想食泰國菜良心店，點知太遲先去到，截咗單，今次我哋終於食到喇，太開心呢～～ 招牌菜係海南雞，咁就一定要點，當日仲要免費轉油飯，唔係唔轉下話？另外我跟餐配小食豬頸肉、再點咗泰式炒金邊粉、泰式無骨鳳爪，超滿足，食到勁飽。泰式無骨海南雞飯配熱飲 $41呢個份量，呢個價錢，其實真係好抵，仲要係油飯，單係睇樣都無得輸。味道又點先？雞肉唔算好滑，一半半啦，不過就肥瘦適中，雞皮同肉之間唔會出現大肥膏，雞皮好爽，正！啲人話食雞唔係雞皮係罪過，我覺得就適用於今次嘅雞肉喇！雞肉食落有香料味，無雪味，加埋個醬，酸酸甜甜咁，唔錯！值得一讚嘅係個雞油飯，因為唔只色澤吸引，而且好香！雖然係油飯，但一啲都唔覺得油膩或者黏口，飯粒粒分明，又有少少薑黃味。如果平時可以單買油飯返屋企食就好喇！跟餐配豬頸肉 $12豬頸肉雖然得幾片，不過少食多滋味，已經好滿足。據說豬頸肉係打針位，所以唔好食咁多。薄薄幾
朗豪坊隔離嘅熟食中心，咁多年嚟只去過1次，記得應該係為咗食農夫包。上次嚟想食泰國菜良心店，點知太遲先去到，截咗單，今次我哋終於食到喇，太開心呢～～ 招牌菜係海南雞，咁就一定要點，當日仲要免費轉油飯，唔係唔轉下話？另外我跟餐配小食豬頸肉、再點咗泰式炒金邊粉、泰式無骨鳳爪，超滿足，食到勁飽。
泰式無骨海南雞飯配熱飲 $41
泰式無骨海南雞飯配熱飲
$41
29 浏览
0 赞好
0 留言
呢個份量，呢個價錢，其實真係好抵，仲要係油飯，單係睇樣都無得輸。味道又點先？雞肉唔算好滑，一半半啦，不過就肥瘦適中，雞皮同肉之間唔會出現大肥膏，雞皮好爽，正！啲人話食雞唔係雞皮係罪過，我覺得就適用於今次嘅雞肉喇！雞肉食落有香料味，無雪味，加埋個醬，酸酸甜甜咁，唔錯！值得一讚嘅係個雞油飯，因為唔只色澤吸引，而且好香！雖然係油飯，但一啲都唔覺得油膩或者黏口，飯粒粒分明，又有少少薑黃味。如果平時可以單買油飯返屋企食就好喇！
跟餐配豬頸肉 $12
跟餐配豬頸肉
$12
49 浏览
0 赞好
0 留言
豬頸肉雖然得幾片，不過少食多滋味，已經好滿足。據說豬頸肉係打針位，所以唔好食咁多。薄薄幾片，但已經食到廚師嘅功架。豬頸肉燒得金黃焦香，味醃得好，滿足到我對豬頸肉嘅渴求。
泰式炒金邊粉 $46
泰式炒金邊粉
$46
45 浏览
0 赞好
0 留言
泰式炒金邊粉
$46
121 浏览
0 赞好
0 留言
泰式無骨鳳爪（一盒）$25
泰式無骨鳳爪（一盒）
$25
92 浏览
0 赞好
0 留言
我好鍾意食雞腳，哈哈，係咪估我唔到？我已經唔記得咗一盒有幾多隻，但我覺得好多，唔知係咪因為我差唔多食晒全部嘅原因。因為同行人士食完一隻之後就話好辣，食唔到，搞到我要一個人啪晒去～*O*
整體嚟講，呢間小店以價錢而論，質素都算高，加上係良心店，再加分！！平時食泰國嘢邊度有咁平，呢度款式都多，要去多幾次試其他！
张贴
