影片
更多
2022-12-08
28 浏览
嚟自日本富山縣嘅富山麵家，一向話題十足，而且連續五年獲得東京拉麵秀冠軍，今次富山麵家x Cinnamoroll 玉桂狗推出二十週年期間限定店，由即日起至 12月31號，店內外嘅裝修同埋設計，由枱面到碗碟杯餐具、筷子套、全部都印有玉桂狗的圖案同裝飾，想打卡嘅朋友千祈唔好錯過。特製牛乳拉麵牛乳拉麵亦係富山招牌拉麵之一，呢碗拉麵夠哂足料，除咗有塊軟唸嘅叉燒外，仲有豬軟骨係入面，同樣軟唸入味，拉麵麵質夠晒彈牙，湯底用上勁香濃北海道牛乳，相當掛湯。另外配有溏心蛋、蘿蔔，仲有好得意嘅玉桂狗魚片作為點綴。特製沾麵-熱牛乳湯沾麵湯底同用咗北海道牛乳，拉麵掛湯，牛奶味濃郁突出，除咗牛奶，仲用咗豬骨、雞骨及鰹魚熬製而成，大大提昇湯底嘅層次感，材料配有可愛玉桂狗溏心蛋、耳朵用上兩塊魚片、另外仲有叉燒、豬軟骨、蟹柳、蘿蔔同埋粟米等，叉燒肥瘦適中，豬軟骨肉質鬆軟，入口即溶，食完勁滿足。肉汁滿滿餃子餃子係富山自家製作，標榜無味精夠哂健康，內裹用咗豬肉做餡料，外皮煎到金黃色，餃子皮厚薄適中，咬落脆身有肉汁。玉子章魚燒章魚燒大大粒，外表燒到好香脆，裹面仲有粒粒章魚粒，夠彈牙，玉子燒仲印上玉桂狗個樣，好可愛。特製波子汽
嚟自日本富山縣嘅富山麵家，一向話題十足，而且連續五年獲得東京拉麵秀冠軍，今次富山麵家x Cinnamoroll 玉桂狗推出二十週年期間限定店，由即日起至 12月31號，店內外嘅裝修同埋設計，由枱面到碗碟杯餐具、筷子套、全部都印有玉桂狗的圖案同裝飾，想打卡嘅朋友千祈唔好錯過。
特製牛乳拉麵
牛乳拉麵亦係富山招牌拉麵之一，呢碗拉麵夠哂足料，除咗有塊軟唸嘅叉燒外，仲有豬軟骨係入面，同樣軟唸入味，拉麵麵質夠晒彈牙，湯底用上勁香濃北海道牛乳，相當掛湯。另外配有溏心蛋、蘿蔔，仲有好得意嘅玉桂狗魚片作為點綴。
特製沾麵-熱牛乳湯
沾麵湯底同用咗北海道牛乳，拉麵掛湯，牛奶味濃郁突出，除咗牛奶，仲用咗豬骨、雞骨及鰹魚熬製而成，大大提昇湯底嘅層次感，材料配有可愛玉桂狗溏心蛋、耳朵用上兩塊魚片、另外仲有叉燒、豬軟骨、蟹柳、蘿蔔同埋粟米等，叉燒肥瘦適中，豬軟骨肉質鬆軟，入口即溶，食完勁滿足。
肉汁滿滿餃子
餃子係富山自家製作，標榜無味精夠哂健康，內裹用咗豬肉做餡料，外皮煎到金黃色，餃子皮厚薄適中，咬落脆身有肉汁。
玉子章魚燒
章魚燒大大粒，外表燒到好香脆，裹面仲有粒粒章魚粒，夠彈牙，玉子燒仲印上玉桂狗個樣，好可愛。
特製波子汽水
兩杯特飲嘅造型都好靚，仲有嘅可愛cinamoroll綿花糖，波子汽水味道清涼，啱晒而家11月仲咁熱嘅天氣。
特製橙味梳打
橙味梳打味道酸酸甜甜， 十分清爽開胃，裏面仲有水果啫喱，口感豐富。
张贴
