影片
更多
2017-01-22
3074 浏览
臨近新年辦年貨,經過附近有間日式食店,入面都幾乎坐滿哂人 門外標明用餐時間為50分鐘,所以等候入座時間亦唔會太耐,今晚就同家人入去一試! 入座後係點菜單上劃好想食既野, 呢度既定食統一係HK$48 (堂食加一), 另外亦有多款小食選擇!決定好食咩就自行去收銀處落單比錢, 餐廳承諾從客人落單起計, 所有order既野食係15分鐘內必定送上客人檯上, 否則餐廳將送出一張餐卷, 待下一次有免費美食享用~ 呢個服務確實係岩哂無咩耐性既我, 同埋平時返工返學既朋友, 唔洗膽心等待超時既情況出現!而我今晚所落既order的確係15分鐘內全部到齊!先來兩個定食, 每個定食都跟三款前菜,味噌湯,甜點~ 而店內更設自助區, 白飯,味噌湯,椰菜絲,麥茶都可以無限自助任加! 呢度既味噌湯同出面好唔同, 味噌湯色澤偏白, 唔係以味噌粉加水開, 所以飲落唔會飲到粉狀質感, 味道近似飲緊魚湯... 【豪華海景丼】HK$48 (定食) 目測呢款定食係最受歡迎最多人order~ 海景丼既刺身包括三文魚,劍魚,蝦,帶子,蟹子,帆立貝,蟹棒同埋希靈魚...估唔到以呢個價錢都食到咁多款刺身, 而且質素都唔錯, 刺身既厚
門外標明用餐時間為50分鐘,所以等候入座時間亦唔會太耐,今晚就同家人入去一試! 入座後係點菜單上劃好想食既野, 呢度既定食統一係HK$48 (堂食加一), 另外亦有多款小食選擇!決定好食咩就自行去收銀處落單比錢, 餐廳承諾從客人落單起計, 所有order既野食係15分鐘內必定送上客人檯上, 否則餐廳將送出一張餐卷, 待下一次有免費美食享用~ 呢個服務確實係岩哂無咩耐性既我, 同埋平時返工返學既朋友, 唔洗膽心等待超時既情況出現!
而我今晚所落既order的確係15分鐘內全部到齊!先來兩個定食, 每個定食都跟三款前菜,味噌湯,甜點~ 而店內更設自助區, 白飯,味噌湯,椰菜絲,麥茶都可以無限自助任加!
呢度既味噌湯同出面好唔同, 味噌湯色澤偏白, 唔係以味噌粉加水開, 所以飲落唔會飲到粉狀質感, 味道近似飲緊魚湯...
【豪華海景丼】HK$48 (定食)
目測呢款定食係最受歡迎最多人order~ 海景丼既刺身包括三文魚,劍魚,蝦,帶子,蟹子,帆立貝,蟹棒同埋希靈魚...估唔到以呢個價錢都食到咁多款刺身, 而且質素都唔錯, 刺身既厚度都唔會太薄, 食得出鮮味! 另外醋飯亦唔會太黏, 唔錯!!menu上說明, 如果想轉為熱飯, 可以係落order前告知, 呢個服務真係唔係間間餐廳都有~
【芝士豬扒】HK$48 (定食)
呢個豬扒定食, 飯同豬扒分開放, 令豬扒keep為脆口上檯比食客享用...豬扒以吉列形式炸起, 外表金黃且帶乾身, 炸完都唔會油林林, 豬扒中層有芝士流出, 太邪惡喇!! 不過芝士味唔太濃烈...但整體口感香脆內軟.【帝王螺】HK$40 (半打)
咁大隻螺已經唔係成日見, 而且呢度既烹調方法亦唔係常見...通常係出面食螺都係白烚/燒, 但呢度既螺係烹調過程中浸過糖水, 所以食起上黎係帶甜甜地, 不過甜味就似乎蓋過左本身既鮮味...
初初意為咁大隻螺一定好硬, 但食落原來幾彈牙,幾爽口...而且拉出螺肉, 都幾肥美丫!!【鹽烤赤蝦】HK$10/隻
第二個驚喜又黎喇!! 本身睇menu意為係一般放題既串燒蝦, 但送到黎先知原來咁大隻!!蝦背位置已被開邊, 較容易剝殼...而且係燒既時候加入鹽時, 較易入味...蝦肉略帶點爽, 燒得幾香...【明太子雞翼】HK$20/3隻
已被去骨既雞翼(除左雞翼尖), 啖啖肉, 不過外表唔太脆, 味道帶少少辣, 而入面釀左明太子, 口感特別...
张贴
