影片
更多
2024-07-02
25 浏览
近排香港日日都熱辣辣，唔知有冇人好似小編咁食乜都冇乜胃口。🥵🥵🥵如果係嘅話小編推薦你哋試吓呢間喺太子嘅泰國菜 @thai.gather.hk 。泰國菜不嬲都酸辣開胃，而且呢度嘅飲品亦都非常冰涼消暑。❄️❄️❄️呢間泰國菜係新開無耐，所以入面嘅裝修都幾新淨，環境闊落光猛，座位之間亦都唔算好近，坐得都幾舒服。但睇佢IG 介紹話總廚係有超過20年經驗泰國人，而且喺曼谷五星級酒店做過。係咪咁正，就一試究竟～➡️原個菠蘿沙冰$78➡️椰青$48入嚟嘅時候一定要望吓牆上面嘅黑板仔，睇吓有冇啲特價飲品。有時候啲沙冰可能會做半價，非常之抵。🫢例如我哋去嗰日就係蜜瓜同士多啤梨沙冰，只係28蚊。唔好話餐廳，出面嘅飲品店都未必做到。😨不過小編本身對呢兩樣水果冇乜興趣，所以叫咗另外兩樣。原個菠蘿沙冰真係非常適合打卡，原個菠蘿裝住沙冰。而且佢嘅菠蘿都新新淨淨，唔似係啲環保菠蘿。🤣🤣🤣沙冰菠蘿嘅味道唔算好突出，係一種自然嘅水果味，味道唔算太甜，係清爽型嘅沙冰。❄️❄️椰青就唔使多講，小編去食泰國菜基本都會叫。今次開到嘅非常清甜，一樣係消暑聖品。🥹味道：7.7/10味道：8/10➡️椰子雞湯（小）$128個人涼返啲就開始食嘢，首先
近排香港日日都熱辣辣，唔知有冇人好似小編咁食乜都冇乜胃口。🥵🥵🥵如果係嘅話小編推薦你哋試吓呢間喺太子嘅泰國菜 @thai.gather.hk 。泰國菜不嬲都酸辣開胃，而且呢度嘅飲品亦都非常冰涼消暑。❄️❄️❄️
呢間泰國菜係新開無耐，所以入面嘅裝修都幾新淨，環境闊落光猛，座位之間亦都唔算好近，坐得都幾舒服。但睇佢IG 介紹話總廚係有超過20年經驗泰國人，而且喺曼谷五星級酒店做過。係咪咁正，就一試究竟～
➡️原個菠蘿沙冰$78
➡️椰青$48
入嚟嘅時候一定要望吓牆上面嘅黑板仔，睇吓有冇啲特價飲品。有時候啲沙冰可能會做半價，非常之抵。🫢例如我哋去嗰日就係蜜瓜同士多啤梨沙冰，只係28蚊。唔好話餐廳，出面嘅飲品店都未必做到。😨不過小編本身對呢兩樣水果冇乜興趣，所以叫咗另外兩樣。
原個菠蘿沙冰真係非常適合打卡，原個菠蘿裝住沙冰。而且佢嘅菠蘿都新新淨淨，唔似係啲環保菠蘿。🤣🤣🤣沙冰菠蘿嘅味道唔算好突出，係一種自然嘅水果味，味道唔算太甜，係清爽型嘅沙冰。❄️❄️
椰青就唔使多講，小編去食泰國菜基本都會叫。今次開到嘅非常清甜，一樣係消暑聖品。🥹
味道：7.7/10
味道：8/10
➡️椰子雞湯（小）$128
個人涼返啲就開始食嘢，首先係呢個椰子雞湯，會用酒精燈熱住，保證夠晒熱。👍🏻呢個湯非常足科，好多雞肉同菇，酸甜嘅味道比較重，好開胃。但椰香味唔算好突出，只有微微椰子同香茅味，算不過不失。🤔
味道：7.3/10
➡️串燒拼盤（半打）$128
小編都幾鍾意佢嘅串燒拼盤，平時半打只可以揀兩款，呢個就豬牛雞都齊晒。而且燒得幾香口，肉質唔會乾同老，連豬肉同牛肉都唔會太難咬，呢點真係抵讚。😎👍🏻佢嘅沙嗲醬幾香，幾惹味，不過份量少咗啲，唔夠點，唔知可唔可以refill呢。🤣
味道：8.2/10
➡️咖哩老虎蝦$288
呢個係小編今日嘅主菜，咖喱同虎蝦嘅份量都唔少。虎蝦經過酥炸，個殼已經變到脆卜卜，再放入咖喱到煮。咖喱嘅味道入晒落個虎蝦到，肉質實淨，而且開咗半，非常易食。😌同時間虎蝦嘅蝦膏亦都融入咗落咖哩到，咖哩食落去除咗有咖喱同椰香，仲有蝦味同蝦膏沙沙地嗰種質感。咖哩同老虎蝦融合得非常之好。😋🤤
小編推薦各位要叫蒜蓉包，攞嚟點呢個咖哩，真係一流。
味道：8.5/10
➡️飛天通菜$78
相信鍾意泰國菜嘅朋友，呢個唔使多講。😎小編每次都會叫呢個炒菜，鹹鹹香香，少少嘅辣味，真係好鬼惹味。😉
味道：8/10
整體小編都幾鍾意呢間嘅泰國菜，價錢中中等等，但食物質素都唔錯。而且飲品幾有特色。其實小編本身想試埋甜品，可惜真係太飽，唯有下次再試～🤣🤣🤣
環境：8/10
服務：7.6/10
抵食：7.8/10
泰聚 (太子)
太子花園街239號嘉慶苑地下B號舖
#hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #旺角 #旺角美食 #太子 #太子美食 #泰國菜 #泰國 #沙冰 #串燒 #咖哩 #椰青 #消暑 #mongkok #mk #mkfood #thailand #thai #thaifood #curry #barbecue #泰聚
张贴
