影片
更多
2024-02-05
93 浏览
講真，我是個超級討厭排隊的人，所以好多要排隊的餐廳，我基本都唔會去，但依間是我少有願意排隊嘅餐廳，因為真係好好食🤤🤤🤤黑白雞飯（海南雞+醬油雞）$93 推薦指數🗯️：🌟🌟🌟🌟🌟平時都係食開海南雞，所以每次就嚟個雙拼，海南雞肉質嫩滑，而且冇骨，食落啖啖肉🤤醬油雞就好入味，超級香，同樣都係啖啖肉，好食😋配搭的冬瓜湯我就冇點飲，但係男朋友一下子就清晒😂😂應該都好好飲小食併盤 $49推薦指數🗯️：🌟🌟🌟🌟因為叫咗個雞飯之後，可以半價加個小食，咁就叫個小食拼盤，分別有豬肉串、雞翼、蝦春卷和魚餅；個人最鍾意個蝦春卷，外層超級脆，入面的蝦肉也很足而其他小食都唔錯，雞翼唔會燒到好乾，豬肉串調味也適中，魚餅我個人原本就一般，不過這個也不錯，我也食到一個桔仔菠蘿梳打水 $18 推薦指數🗯️：🌟🌟🌟🌟酸酸甜甜好開胃，而且食完炸雞翼之後，再飲啲有氣梳打水，超級爽🤩迷你星洲喇沙 $35 推薦指數🗯️：🌟🌟🌟🌟🌟因為唔係好肚餓，如果叫多一個正常size 的喇沙一定食唔晒，所以就叫咗一個迷你版，但都有一粒魚蛋、豆卜和一隻蝦，一啲都唔馬虎，而喇沙濃得來唔係好鹹，椰奶味比較重，如果下次唔係咁飽的話，可以食到一碗正常🙈開心果椰子
講真，我是個超級討厭排隊的人，所以好多要排隊的餐廳，我基本都唔會去，但依間是我少有願意排隊嘅餐廳，因為真係好好食🤤🤤🤤
黑白雞飯（海南雞+醬油雞）$93
推薦指數🗯️：🌟🌟🌟🌟🌟
平時都係食開海南雞，所以每次就嚟個雙拼，海南雞肉質嫩滑，而且冇骨，食落啖啖肉🤤醬油雞就好入味，超級香，同樣都係啖啖肉，好食😋
配搭的冬瓜湯我就冇點飲，但係男朋友一下子就清晒😂😂應該都好好飲
小食併盤 $49
推薦指數🗯️：🌟🌟🌟🌟
因為叫咗個雞飯之後，可以半價加個小食，咁就叫個小食拼盤，分別有豬肉串、雞翼、蝦春卷和魚餅；個人最鍾意個蝦春卷，外層超級脆，入面的蝦肉也很足
而其他小食都唔錯，雞翼唔會燒到好乾，豬肉串調味也適中，魚餅我個人原本就一般，不過這個也不錯，我也食到一個
桔仔菠蘿梳打水 $18
推薦指數🗯️：🌟🌟🌟🌟
酸酸甜甜好開胃，而且食完炸雞翼之後，再飲啲有氣梳打水，超級爽🤩
迷你星洲喇沙 $35
推薦指數🗯️：🌟🌟🌟🌟🌟
因為唔係好肚餓，如果叫多一個正常size 的喇沙一定食唔晒，所以就叫咗一個迷你版，但都有一粒魚蛋、豆卜和一隻蝦，一啲都唔馬虎，而喇沙濃得來唔係好鹹，椰奶味比較重，如果下次唔係咁飽的話，可以食到一碗正常🙈
開心果椰子奶昔 $32
推薦指數🗯️：🌟🌟🌟🌟
估唔到開心果和椰子配搭一齊原來可以咁適合，味道偏甜，但飲完成杯都唔會覺得好膩
咖吔油條配薄荷朱古力雪糕 $38
推薦指數🗯️：🌟🌟🌟🌟🌟
如果鍾意食咖吔嘅人一定要試吓，因為唔同咖央多士中間有一大舊牛油，食落反而冇咁油膩，油條外層好脆，入面塗滿咖吔醬，味道甜而不膩，配搭埋薄荷朱古力雪糕，忍唔住一舊接一舊
✨整體來講，唔係網紅打卡店，要排隊真係因為啲食物質素好同埋好抵食；不過如果嚟食，基本上都預咗要排隊，不過就好快，因為大部份人都係食完就走
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
张贴
