Browny No.45 (已結業)

係附近做完嘢，被我搵到呢間小店食下嘢。店面簡單，係門口呢個單邊位都常有人坐，望出去雖然唔係有咩景，但幾個人空間又夠開揚。初初以為選擇唔多，但睇睇下都有，仲有迷你早餐。價錢一般正常，唔算貴。木系裝飾為主，見到嘅都係咖啡蹤跡。朋友點嘅係黑松露忌廉軟殼蟹，72元，黑松露夠香，不過入口就淡咗小小。煙肉溫泉蛋卡邦尼，62元，溫泉蛋係滑，忌廉尚可以多啲，麵還好。又叫咗肥威（flat white），啡味可以再多啲，奶同泡算係簿。整體都ok嘅，係大角咀黎講係少呢類小店，支持下。