CoCo Espresso

营业中

休息中

【大埔区】【CoCo Espresso】之前道歉哥过咗大埔做嘢，我作为殡仪之星就梗系去凑吓热闹。咁啱撞正佢放饭时间，就同佢一齐食喇。行来行去都唔知食乜好，谂过食韩国嘢但行到埋去又好似唔多想食咁。最后就拣到一间 cafe，西式嘢，感觉件事合理啲。由于我已经食咗嘢，所以只系叫轻食，呢款 $68 嘅「提拉米苏」就啱晒我。不过好笑嘅系，其实我正餐都系有啲相类似嘅嘢喺度，所以好似食完又食咁。然而，呢杯嘢其实都系唔错嘅，甜得嚟又唔算好腻，系水准之作嚟。嘢饮方面，由于我冇叫套餐，所以系直接用正价散叫饮品。我见 $52 嘅「粉红草莓鲜奶咖啡」好似几有特色，就叫杯嚟饮吓。结果都有少少失望，草莓嘅酸甜味严重盖过咗咖啡味，而本身鲜奶咖啡个味又未必咁出，所以系咁。而道歉哥就叫咗 $108 嘅「慢煮牛颊肉酱宽带面」同埋 $48 嘅冻「Honduras」，好似系啲懒专业嘅咖啡。道歉哥话啲嘢食同杯啡都唔错，咁我就信佢喇㖞。埋单价钱系 $276，食呢啲西餐 cafe 嘢系咁上下啦，仲要商场舖，啱嘅。。。（地址：大埔安邦路8&10号大埔超级城C区2楼587号舖）#1amfoodie #foodie #hkfoodie