餸記潮食 (已結業)

一向都覺得#大坑 有好多#隱世美食😍，間間都有特色！今次就趁着假日去探索一下🗺，就遇見咗佢👉🏻 餸記潮食！睇佢門面行簡約風，完全估唔到原來佢係食潮州菜😅！潮州菜嘅素菜變化多樣,而且十分考究到工，粗菜細做！就好似佢哋嘅精品六宮格嘅頭盤菜，賣相精緻而且酸、甜、辣嘅味道真係非常開胃！個人最鍾意佢嘅凍豆腐，口感似食緊mousse /奶凍咁，而且豆味濃郁！ 冷盤方面較為特別就係艾雷威士忌鵝肝🥃，係大大塊嘅鵝肝倒上玫瑰味嘅威士忌同招牌白滷水汁， 頗為特別！另外秘製口水雞真係必食🥳！肉質鮮嫩、辣度剛好👍加上秘製嘅醬汁，食到就快連骨都吞埋😂主食方面，點咗佢哋招牌嘅滷水拼盤🌟，見到佢寫係用咗自家製王牌醇香紅滷水汁👑，醃製嘅時候加入咗砂仁、草果、陳皮、肉佳等十多種食材，味道不太咸且帶甜！👍燻蹄肉質細嫩，意想不到係滷水豆腐非常入味！🤩另外佢哋嘅餸記炒意粉真係一放入口就超驚喜🙀！加入咗XO醬同蠔仔去炒， 大大粒蠔仔，非常足料而且鑊氣十足! 點呢道菜包你唔會後悔✌🏻😻!