河內越式料理 (村南道)

营业中

休息中

睇完個介紹河內街頭小食的美食節目，即刻想去搵搵附近的河內美食，「河內越式料理」是其中之一，環境雖然未及節目裏邊的地道，但外賣返去，食物上都做得唔錯。生牛肉湯河粉，湯底好清甜，牛肉的份量都幾多，河粉幼身軟滑，配料加青檸、辣椒粒增加味道的層次。越式咖喱牛腩飯，牛腩的份量相當，炆得軟腍易入口，且咖哩香辣濃郁，咖哩汁掛著每件牛腩，配白飯食好好味。越式炸蝦餅，外層好鬆化，蝦餅夠彈牙，配酸辣醬汁食特別醒胃。越式豬頸肉，燒烤後的豬頸肉外層焦脆，肉質爽脆，口感好香，食到停不了口。杞子龍眼茶和檸檬蜜糖薑茶，滋潤暖粒粒。