影片
更多
2014-05-29
713 浏览
雖則平野通常冇咩好野，但未至於差到唔想食落去。第一次寫食評，因為呢間餐廳既食物質素真心強差人意！服務唔提，樓面得一人做野，唔夠人冇說話好講（唔怪得打親電話落黎預約都冇人聽）食物選擇少，叫左十樣野左右都要三催四請先慢慢逐件逐件出，冇哂又唔出聲，未出果Ｄ又唔黎，上左枱既又黎多獲，都唔知食唔食好我剩係評論食左既野：（最好＊＊＊＊＊）（最差ＸＸＸＸＸ）1. 部隊湯（ＸＸＸＸ）正確黎講呢個唔係部隊湯，只係加左午餐肉同腸仔既泡菜湯，係出面食過一次，起碼有芝士令個湯口感豐富Ｄ，個湯飲左兩啖都放棄左2. 泡菜餅（ＸＸＸ）賣相唔差，但口感奇怪，入面既饀有泡菜味，但略嫌個粉皮太黏口3. 炆豬軟骨（＊＊＊）全晚最令人安慰既食物，真係擺得入口，豬軟骨炆得幾「林」，味道不俗4. 燒青花魚（＊）條魚大致都冇咩問題，係冇咩味道5. 冷麵（ＸＸＸＸＸＸ）呢個麵真係負評到極點，我食5蚊4包街邊冷麵都冇咁嬲，個麵煮到林哂，完全冇口感可言，旁邊的青瓜絲味道似西爪皮6. 炸餃子（ＸＸＸＸＸ）個皮炸到餅乾咁既口感同味道，簡直難而置信，裡面個餡係豬腳薑味，總之係怪味7. 燒牛肉/豬肉/雞肉/五花腩（＊＊）味道同口感都唔太差，但牛
第一次寫食評，因為呢間餐廳既食物質素真心強差人意！
服務唔提，樓面得一人做野，唔夠人冇說話好講（唔怪得打親電話落黎預約都冇人聽）
食物選擇少，叫左十樣野左右都要三催四請先慢慢逐件逐件出，冇哂又唔出聲，未出果Ｄ又唔黎，上左枱既又黎多獲，都唔知食唔食好
我剩係評論食左既野：
（最好＊＊＊＊＊）（最差ＸＸＸＸＸ）
1. 部隊湯（ＸＸＸＸ）
正確黎講呢個唔係部隊湯，只係加左午餐肉同腸仔既泡菜湯，係出面食過一次，起碼有芝士令個湯口感豐富Ｄ，個湯飲左兩啖都放棄左
2. 泡菜餅（ＸＸＸ）
賣相唔差，但口感奇怪，入面既饀有泡菜味，但略嫌個粉皮太黏口
3. 炆豬軟骨（＊＊＊）
全晚最令人安慰既食物，真係擺得入口，豬軟骨炆得幾「林」，味道不俗
4. 燒青花魚（＊）
條魚大致都冇咩問題，係冇咩味道
5. 冷麵（ＸＸＸＸＸＸ）
呢個麵真係負評到極點，我食5蚊4包街邊冷麵都冇咁嬲，個麵煮到林哂，完全冇口感可言，旁邊的青瓜絲味道似西爪皮
6. 炸餃子（ＸＸＸＸＸ）
個皮炸到餅乾咁既口感同味道，簡直難而置信，裡面個餡係豬腳薑味，總之係怪味
7. 燒牛肉/豬肉/雞肉/五花腩（＊＊）
味道同口感都唔太差，但牛肉同豬肉既味道係一樣就有Ｄ奇怪，五花腩燒得唔香，冇咩味道
8. 藥膳雞腳（ＸＸＸＸ）
叫得藥膳，正路係有藥味，但真係-.-"...... 係白洽雞腳，冇任何味道
9. 韓式炒年糕（ＸＸ）
年糕煮得太林，唔入味，冇口感，辣椒醬疑似放左桂林辣椒醬，因為...(你比較過就知)
10. 凍豆腐（＊＊）
加左辣椒醬係豆腐面有Ｄ奇怪，但其實百福豆腐就咁切開好難唔好食
11. 炒魷魚（＊）
份量少，味道同口感一般
12. 橙汁（ＸＸＸ）
芒果味既橙汁，叫汽水穩鎮Ｄ
總括黎講，個廚師係唔識煮野食，唔抵食就食過，難食係第一次
题外话/补充资料：
/
(以上食记乃用户个人意见 , 并不代表OpenRice之观点。)
张贴