📍#雞駅花膠雞米線專門店 (觀塘)
觀塘駿業里10號業運工業大廈1樓A室
▪️▪️▪️▪️▪️▪️▪️▪️▪️▪️▪️▪️▪️▪️
呢間花膠雞專門店喺觀塘都好出名！除咗駱駝漆之外，葉問工業大廈都有一間分店，質素都唔錯！
✨# 雞駅一人火鍋餐
除咗有花膠米線之外，仲推出咗一人火鍋套餐，火鍋餐可自選湯底加一款肉，肉方面可選 美國豚肉片、美國靚肥牛、牛肩胛、牛小排同花甲雞。
今次試左花甲雞，雞肉好滑、花甲清甜無沙。而湯底方面揀咗招牌花膠雞湯，湯底夠味之餘唔會好鹹，飲完之後都唔會好口渴。除此之外，佢仲包咗一個雜菜拼盤，包括有福袋、芝士腸、蟹柳、娃娃菜、生菜同粟米等等，仲有一份主食可選米線或者上海麵，一人份量都幾夠食！非常滿足啊
