源祖之味古早味蛋糕店 (已結業)

路過被新鮮焗嘅《源祖之味古早蛋糕》香味吸引，知道佢用全天然材料🍀，而且現場製作，仲有超過十款口味🤩，買啲返屋企分享！揀咗新品［紫芋古早味蛋糕］💜＆［海苔香口肉鬆古早味蛋糕］，古早蛋糕軟綿綿，口感濕潤，唔會乾爭爭，蛋香味濃🥚。紫芋味💜印有近期大熱韓劇魷魚遊戲嘅圖形，好潮🔺🔵⬛！淡淡紫芋香甜味，感覺健康清新。［海苔肉鬆］係超多海苔肉鬆，鹹香滿滿，海苔肉鬆脆脆，口感豐富😌。第二日叮一叮，古早蛋糕仍然軟綿綿，大人小朋友都好滿意呢個早餐🤩！怕食唔晒，買半份都得。又或者買一口蛋糕試下，一啖一口，有朱古力同原味選擇，鬆軟又滿滿蛋香，保證你上完一口唔夠喉😏！喺旺角 MOKO 分店買，仲可以順手同可愛源祖之味場景打卡😁！