農舍 (已結業)

平日出去島浮下都幾好，遠離人群，有啖靚嘅空氣吸下。今次揀條易行啲，先去榕樹灣入，行下山再出索罟灣。路過見到幾有感覺就決定呢間素食室內無哂位，坐出黎室外都幾爽，有啲風吹下。是日午餐都幾好，唔駛點諗就決定到。先上沙律湯，湯係南瓜湯，唔會死甜，係好飲嘅。沙律款式係幾豐富，仲有紅菜頭，幾好。墨西哥餐配紅腰豆牛油果巴馬臣芝士旦，款款都係138元，牛油果就覺健康，呢個配搭原來都會飽，紅腰豆都多，再加啲沙律菜，成件事都幾正，有驚喜。香炒羅勒醬波菜什菌手工意粉，幾個炒得幾香，什菌炒埋又唔會太菇味搶哂味，食落啱啱好。南丫島嘅陽光打落黎，點影都靚。白汁蘑菇脆肉瓜千層面，夾左茄子落去令到成件事好有texture，朋友話好食。House coffee，唔錯咖啡就一般啲，但心情好，都唔差。