影片
更多
2023-10-20
15 浏览
北角城市花園最近開咗一間啤啤熊Cafe，由一對90後情侶經營，由熊仔蛋糕網店再開埋實體餐廳，餐廳裏面有好多唔同造型嘅啤啤熊公仔，除咗擺設，食物都係充滿熊仔嘅元素，非常用心，裝修風格同食物都少女心爆發，啱晒少女們去打卡。蒲燒原條鰻魚飯鰻魚飯嘅鰻魚係原條上，賣相吸引，一上枱就聞到香氣滿滿，微甜入味嘅蒲燒醬汁配上嫩滑鮮美嘅鰻魚，用嚟送飯一流，飯粒用上日本珍珠米，粒粒飽滿有飯香。All Day Breakfast全日早餐賣相豐富，包括有蕃茄、炒蛋、黑松露炒雜菌、煙肉、德國腸、薯餅、窩夫同埋沙律菜，份量十足。炒蛋口感嫩滑，新鮮蕃茄烘至微熱香口，薯餅炸至香脆可口，炒雜菌口感爽彈香口，窩夫烘至脆身，配埋蜂蜜一齊食好滋味。芝士慕絲熊仔蛋糕睡眠熊仔造型嘅芝士慕絲蛋糕好可愛 ，熊仔瞓喺碟上面好休閒，睇見都好治癒，蛋糕造出咗毛茸茸嘅感覺，好精緻。Mousse蛋糕芝士味濃郁，味道酸酸甜甜，口感軟綿順口。他他醬吉列魷魚圈吉列魷魚圈外表炸至金黃香脆，魷魚口感彈牙，好惹味，配埋他他醬味道好夾，係餐廳自家調配，令人忍唔住不停咁食，呢個小食好邪惡。富士山熊仔特飲 非常吸睛嘅一個飲品，閃閃下識得變色，打卡一流，特飲用咗藍
北角城市花園最近開咗一間啤啤熊Cafe，由一對90後情侶經營，由熊仔蛋糕網店再開埋實體餐廳，餐廳裏面有好多唔同造型嘅啤啤熊公仔，除咗擺設，食物都係充滿熊仔嘅元素，非常用心，裝修風格同食物都少女心爆發，啱晒少女們去打卡。
蒲燒原條鰻魚飯
鰻魚飯嘅鰻魚係原條上，賣相吸引，一上枱就聞到香氣滿滿，微甜入味嘅蒲燒醬汁配上嫩滑鮮美嘅鰻魚，用嚟送飯一流，飯粒用上日本珍珠米，粒粒飽滿有飯香。
All Day Breakfast
全日早餐賣相豐富，包括有蕃茄、炒蛋、黑松露炒雜菌、煙肉、德國腸、薯餅、窩夫同埋沙律菜，份量十足。炒蛋口感嫩滑，新鮮蕃茄烘至微熱香口，薯餅炸至香脆可口，炒雜菌口感爽彈香口，窩夫烘至脆身，配埋蜂蜜一齊食好滋味。
芝士慕絲熊仔蛋糕
睡眠熊仔造型嘅芝士慕絲蛋糕好可愛 ，熊仔瞓喺碟上面好休閒，睇見都好治癒，蛋糕造出咗毛茸茸嘅感覺，好精緻。Mousse蛋糕芝士味濃郁，味道酸酸甜甜，口感軟綿順口。
他他醬吉列魷魚圈
吉列魷魚圈外表炸至金黃香脆，魷魚口感彈牙，好惹味，配埋他他醬味道好夾，係餐廳自家調配，令人忍唔住不停咁食，呢個小食好邪惡。
富士山熊仔特飲
非常吸睛嘅一個飲品，閃閃下識得變色，打卡一流，特飲用咗藍桔同埋荔枝梳打製作而成，有芬芳嘅荔枝味道，清涼解暑，另外有個土多啤梨熊仔冰瞓喺鮮忌廉上面，好得意，底部仲有寒天晶球，用天然膳食纖維製成，好健康，食落口感同珍珠差唔多。
熊仔冷泡茶
白桃烏龍味嘅冷泡茶，清涼解渴，白桃柔和香氣好夾烏龍茶香，樽仔造型好似熊仔糖，好可愛，飲完仲可以拎走個樽仔。
张贴
