影片
更多
2021-11-15
740 浏览
周不時聽到凡高廚房依間餐廳個名，今日Book咗枱去試試，坐低諗緊叫邊個餐果陣，聽waiter 同另一枱熟客傾計先知原來開業已經15年！最後叫咗一個廚師晚餐推介&晚宴套餐廚師晚餐推介 $498前菜(cold)：煙三文魚帶子塔依個組合聽落已經好味，帶子表面輕輕煎過更加香口，配碟醬汁有黑醋和泰式青汁，酸味味好開胃前菜(hot)：普羅旺斯式炒田螺依個好似焦糖燉蛋嘅前菜其實係普羅旺斯式炒田螺，內層有好香濃芝士薯蓉釀田螺，外層係酥皮，食完一個覺得有缺點……就係唔夠喉！廚師精選餐湯同是日餐湯分別叫咗西蘭花野菌忌廉湯同法式蕃茄湯2款湯都好好飲，法式蕃茄湯好多材料，入口好有口感，不過西蘭花野菌忌廉湯更上一層樓！好香好濃西蘭花味！餐包微暖keep住軟熟，個人喜歡左邊餐包(上枱時waiter有講，唔記得咗名)主菜：波士頓龍蝦(法國香蔥忌廉汁意大利飯)原隻龍蝦開邊上，龍蝦肉非常新鮮食到有海水味，加上表層濃郁芝士已經好滿足，下層香蔥忌廉汁意大利飯更加有驚喜，滿滿香滑忌廉包裹着每粒飯粒，加上香蔥汁及洋蔥粒增加味道層次，高質歐陸餐廳當之無愧！晚宴套餐：燒澳洲刺身級帶子及虎蝦 伴 鮮墨魚汁意大利粉 $248歐陸式前菜
周不時聽到凡高廚房依間餐廳個名，今日Book咗枱去試試，坐低諗緊叫邊個餐果陣，聽waiter 同另一枱熟客傾計先知原來開業已經15年！
最後叫咗一個廚師晚餐推介&晚宴套餐
廚師晚餐推介 $498
前菜(cold)：煙三文魚帶子塔
依個組合聽落已經好味，帶子表面輕輕煎過更加香口，配碟醬汁有黑醋和泰式青汁，酸味味好開胃
前菜(hot)：普羅旺斯式炒田螺
依個好似焦糖燉蛋嘅前菜其實係普羅旺斯式炒田螺，內層有好香濃芝士薯蓉釀田螺，外層係酥皮，食完一個覺得有缺點……就係唔夠喉！
廚師精選餐湯同是日餐湯分別叫咗西蘭花野菌忌廉湯同法式蕃茄湯
2款湯都好好飲，法式蕃茄湯好多材料，入口好有口感，不過西蘭花野菌忌廉湯更上一層樓！好香好濃西蘭花味！
餐包微暖keep住軟熟，個人喜歡左邊餐包(上枱時waiter有講，唔記得咗名)
主菜：波士頓龍蝦(法國香蔥忌廉汁意大利飯)
原隻龍蝦開邊上，龍蝦肉非常新鮮食到有海水味，加上表層濃郁芝士已經好滿足，下層香蔥忌廉汁意大利飯更加有驚喜，滿滿香滑忌廉包裹着每粒飯粒，加上香蔥汁及洋蔥粒增加味道層次，高質歐陸餐廳當之無愧！
晚宴套餐：燒澳洲刺身級帶子及虎蝦 伴 鮮墨魚汁意大利粉 $248
歐陸式前菜小食：巴拿馬火腿
巴拿馬火腿配搭香甜哈蜜瓜確實開胃，周邊配菜都十分爽口
燒澳洲帶子保留到帶子鮮味，虎蝦大大隻肉質彈牙，鮮墨魚汁意粉充滿濃厚忌廉味，加上洋蔥片更加香口！
廚師精選甜品：朱古力桑子慕絲、雜莓蛋糕
朱古力桑子慕絲打卡一流，下層冒煙玻璃球充滿夢幻感，朱古力桑子慕絲味道較甜，鐘意食甜品人士必選，而雜莓蛋糕甜度適中，Venus 比較鐘意雜莓蛋糕
凡高廚房
地址：銅鑼灣軒尼詩道451-457號勝華樓2樓B室
张贴
